Il-​Ktieb X’Tgħallem il-​Bibbja?​—L-​Għajnuna Prinċipali Tagħna għal Studji tal-​Bibbja

¹ Kemm kien kommoventi meta rċivejna l-​ktieb Il-​Bibbja X’Tgħallem Verament? fil-​Konvenzjoni Distrettwali “Ubbidjenza Lejn Alla”! Id-​delegati ferħu meta rċivew kopja persunali tal-​ktieb f’għeluq il-​programm tas-​Sibt. Din l-​għodda l-​ġdida biex ngħallmu kif nistgħu nużawha? Il-​ktieb huwa disinjat biex ikun l-​għajnuna prinċipali tagħna għall-​istudji tal-​Bibbja. Għalkemm il-​ktieb il-​ġdid se jkun offrut l-​ewwel darba bħala l-​offerta taʼ letteratura f’Marzu, il-​pubblikaturi qed jiġu mħeġġin biex jibdew jużawh immedjatament biex jibdew u jikkonduċu l-​istudji tal-​Bibbja.

² Studji tal-​Bibbja Kurrenti: Il-​pubblikaturi li qed jikkonduċu studji tal-​Bibbja mill-​ktieb Għarfien jew mill-​browxer X’Jirrikjedi għandhom jużaw id-​dixxerniment biex jiddeċiedu kif u meta se jibdew jużaw il-​pubblikazzjoni l-​ġdida matul l-​istudju. Jekk studju jkun għadu kif inbeda tistaʼ sempliċement tibda mill-​bidu tal-​ktieb il-​ġdid. Jekk int ilek xi ftit tistudja l-​ktieb Għarfien forsi tistaʼ tkompli bl-​istudju mill-​ktieb X’Tgħallem il-​Bibbja? fil-​kapitlu li jaqbel maʼ dak li wasalt fih fl-​Għarfien. Jekk int wasalt lejn l-​aħħar tal-​ktieb Għarfien tistaʼ tiddeċiedi li tlesti din il-​pubblikazzjoni.

³ Bla ebda dubju lkoll kemm aħna nafu ħafna nies li jibbenefikaw jekk jistudjaw il-​ktieb X’Tgħallem il-​Bibbja? Għala ma toffrix lil kull persuna studju tal-​Bibbja minn dan il-​ktieb li jgħinna ngħallmu veritajiet Bibliċi b’mod progressiv? Per eżempju, dawk li studjaw il-​browxer X’jirrikjedi jew il-​ktieb Għarfien imma m’għamlux progress sal-​punt tad-​dedikazzjoni u l-​magħmudija forsi jixtiequ jerġgħu jibdew l-​istudju billi jużaw il-​ktieb il-​ġdid. Il-​ġenituri jistgħu jiddeċiedu li jużaw il-​pubblikazzjoni hekk kif jaqsmu l-​għarfien eżatt dwar ir-​rieda t’Alla maʼ wliedhom.​—Kol. 1:​9, 10.

⁴ Nistudjaw it-​Tieni Ktieb: Hemm xi provvediment għall-​istudent tal-​Bibbja biex jistudja ktieb ieħor wara li jlesti l-​ktieb Il-​Bibbja X’Tgħallem Verament? Iva. Jekk jidher ċar li l-​istudent qed jagħmel progress, avolja bil-​mod, u qed juri apprezzament għal dak li qed jitgħallem, l-​istudju tal-​Bibbja jistaʼ jitkompla billi tuża l-​ktieb Qim lill-​Uniku Alla Veru. Aħna fiduċjużi li l-​ktieb X’Tgħallem il-​Bibbja? se jkun għodda qawwija f’idejna hekk kif inwettqu l-​inkarigu biex nagħmlu dixxipli.​—Mt. 28:​19, 20.