Uża l-​Ktieb Qim lil Alla biex Tikkonduċi Studji tal-​Bibbja

Il-​ktieb Qim lill-​Uniku Alla Veru huwa magħmul biex jgħin lil uħud ġodda jagħmlu progress fil-​verità u biex isaħħu l-​apprezzament tagħhom lejn Jehovah u lejn l-​organizzazzjoni tiegħu. Jistaʼ jintuża maʼ xi studenti tal-​Bibbja bħala t-​tieni ktieb għall-​istudju. Il-​Ministeru tas-​Saltna taʼ Ġunju tas-​sena 2000, paġna 4, tispjega: “Jekk tara li dak li jkun qed jagħmel progress, għalkemm bil-​mod, u li qed jiżviluppa apprezzament għal dak li qed jitgħallem, kompli l-​istudju tal-​Bibbja bi ktieb ieħor wara li tlesti l-​browxer X’Jirrikjedi u l-​ktieb Għarfien. . . . Fi kwalunkwe każ, l-​ewwel iridu jiġu studjati l-​browxer X’Jirrikjedi u l-​ktieb Għarfien. L-​istudju tal-​Bibbja, iż-​żjajjar lura, u l-​ħin li tqattaʼ biex tkompli l-​istudju għandhom jingħaddu u jiġu rapportati, anki jekk l-​istudent jilħaq jitgħammed qabel ma jitlesta t-​tieni ktieb.”

Min jistaʼ wkoll jibbenefika minn studju tal-​Bibbja bil-​ktieb Qim lil Alla? L-​istess artiklu jkompli: “Jekk taf lil xi wħud li fil-​passat studjaw [il-browxer X’Jirrikjedi u] il-​ktieb Għarfien, imma qatt m’għamlu progress għad-​dedikazzjoni u l-​magħmudija, int tistaʼ tieħu l-​inizjattiva biex tara jekk jixtiqux li jerġgħu jaqbdu l-​istudju tagħhom tal-​Bibbja.” Ejjew nagħmlu sforz speċjali biex nibdew studji bil-​ktieb Qim lil Alla maʼ wħud bħal dawn tul Marzu u April.