Programm Ġdid tal-​Jum t’Assemblea Speċjali

It-​tema tal-​programm tal-​jum t’assemblea speċjali għas-​sena taʼ servizz 2009 hija “Ħu Ħsieb il-​Ministeru . . . , Qis li Twettqu,” ibbażata fuq Kolossin 4:17. Bħala Kristjani, aħna nieħdu dan l-​inkuraġġiment bis-​serjetà. Il-​mira tagħna hi li nwettqu l-​ministeru tagħna lealment, saħansitra bħalma għamel Ġesù. (Ġw. 17:4) L-​appostlu Pawlu wkoll ħallielna eżempju mill-​aqwa f’dan ir-​rigward. Hu kien determinat li jtemm il-​ministeru tiegħu.—Atti 20:24.

It-taħdita taʼ l-​indokratur tas-​circuit se turi kif diversi pubblikaturi qed jegħlbu l-​isfidi fil-​ministeru tagħhom. U mbagħad it-​taħdita “Ikkultiva Dak li Żrajt” se tenfasizza kif nistgħu ngħinu verament lil dawk li għandhom “attitudni xierqa lejn il-​ħajja taʼ dejjem.” (Atti 13:48) Il-​kelliemi li se jkun qed iżurna, l-​ewwel se jiddiskuti t-​2 Korintin 6:1-10, vers b’vers, fit-​taħdita “Kif Nirrikkmandaw Lilna Nfusna Bħala Ministri.” Wara nofsinhar, hu se jindirizza lill-​udjenza dwar it-​tema “Għożżu Ferm il-​Ministeru Tagħkom.” Żgur li se tiġu inkuraġġiti mit-​taħditiet “Żgħar u Kbar Gawdu l-​Ministeru” u “Żgħażagħ li Jwettqu l-​Ministeru.” Dawk li jixtiequ jissimbolizzaw id-​dedikazzjoni tagħhom bil-​magħmudija fl-​ilma f’waħda mill-​assembleat tas-​circuit li ġejjin għandhom jinformaw lill-​indokratur li jippresiedi malajr kemm jistaʼ jkun. Aspett wieħed taʼ l-​assembleat u l-​konvenzjonijiet tagħna kollha hu li nikkunsidraw It-​Torri taʼ l-​Għassa. Ġibu l-​kopja tagħkom li se tiġi studjata fil-​ġimgħa tal-​jum taʼ l-​assemblea speċjali.

Meta noqogħdu attenti li qed inwettqu l-​ministeru tagħna, aħna nistinkaw biex inkunu ċerti li interessi u attivitajiet oħrajn ma jiġux qabel dak li fdalna Ġeħova. L-​inkuraġġiment Skritturali provdut permezz taʼ dan il-​programm tal-​jum t’assemblea speċjali għandu jgħinna lkoll biex nifhmu x’għandna bżonn nagħmlu sabiex nibqgħu ffokati kif suppost u naħsbu bis-​serjetà dwar dak li qed nagħmlu biex inwettqu l-​ministeru tagħna bis-​sħiħ.