Programm Ġdid taʼ l-​Assemblea tas-​Circuit

Kif jistaʼ jkun possibbli li żżomm sod kontra dawk li jopponu bl-​aħrax il-​qima vera? Kif nistgħu negħlbu l-​qawwiet li kontinwament jipprovaw jiħduna lura fid-​dinja li tiċħad lil Alla? Il-​programm taʼ l-​assemblea tas-​circuit għas-​sena taʼ servizz 2009 se jwieġeb dawn il-​mistoqsijiet vitali. It-​tema hi “Dejjem Irbaħ il-​Ħażen bit-​Tajjeb.” (Rum. 12:21) Ejja naraw x’se jkun fih.

L-indokratur tad-​distrett se jagħti t-​taħditiet “Imsaħħin Biex Tirbaħ il-​Ħażen bit-​Tajjeb,” “Tkunux Kunfidenti Żżejjed!,” “Il-​Ħażen Kollu Dalwaqt Jispiċċa!,” u “Insaħħu l-​Fidi Tagħna Biex Nirbħu lid-​Dinja.” L-​indokratur tas-​circuit se jkellimna dwar it-​temi “Issa Huwa ż-​Żmien Biex Nibqgħu Mqajmin!,” ibbażata fuq Rumani 13:11-13, u “Tkunx Skuraġġit fi Żmien l-​Hemm,” ibbażata fuq Proverbji 24:10, New World Translation. Inħarsu ’l quddiem ukoll għat-​taħdita taʼ l-​indokratur tas-​circuit “Nagħtu l-​Attenzjoni għall-​Ħtiġijiet tas-​Circuit.” Taħdita oħra inkuraġġanti ħafna se tkun intitolata “Tistaʼ Int ‘Tkun Medhi bil-​Ministeru’—Billi Tkun Pijunier?” L-​ewwel waħda miż-​żewġ serje taʼ taħditiet hija intitolata “Żomm Sod Kontra t-​Tnassis tax-​Xitan.” Din se tgħinna nidentifikaw u niċħdu t-​tnassis makakk tax-​Xitan fil-​qasam tat-​teknoloġija, id-​divertiment, u l-​edukazzjoni. Is-​serje taʼ taħditiet “Ikseb il-​Qawwa Biex Tirreżisti f’Dan il-​Jum il-​Ħażin” se turina kif nistgħu napplikaw iktar bis-​sħiħ il-​parir ispirat misjub f’​Efesin 6:10-18.

Hemm konnessjoni diretta bejn li nirbħu l-​ħażen mill-​qalba tiegħu u li nippridkaw il-​messaġġ tas-​Saltna. (Riv. 12:17) Mhux taʼ b’xejn li Satana jattakka bla heda lix-​Xhieda taʼ Ġeħova! (Is. 43:10, 12) Imma x-​Xitan se jfalli bl-​ikrah minħabba li aħna determinati biex nibqgħu ‘nirbħu l-​ħażen bit-​tajjeb.’ Agħmel arranġamenti speċifiċi biex tibbenefika bis-​sħiħ mill-​erbaʼ sessjonijiet kollha taʼ din l-​assemblea tas-​circuit.