Skeda għal-Laqgħat tas-Servizz
Ġimgħa li Tibda 11 t’Awissu
10 min: Avviżi lokali. Staqsi lil dawk fl-udjenza biex jikkummentaw dwar l-artikli tar-rivisti kurrenti li sabu li laqtu lin-nies fit-territorju. Stieden lil dawk fl-udjenza biex isemmu punti speċifiċi fl-artikli li qed jippjanaw biex jużaw. Liema mistoqsija jistgħu jagħmlu biex jibdew konversazzjoni? Imbagħad, liema skrittura fl-artiklu tistaʼ tinqara? Ħejji turijiet li juru kif jistgħu jintużaw preżentazzjonijiet suġġeriti.
15 min: Agħmel ir-Rieda t’Alla—Mingħajr Tfixkil. Taħdita bbażata fuq il-ktieb “Come Be My Follower” (“Ejja Kun Segwaċi Tiegħi”), paġni 93-94, paragrafi 12-13.
20 min: “Qed Tużah bis-Sħiħ?”a Intervista pubblikatur li kellu esperjenza f’li juża wieħed mill-aspetti ġodda taʼ l-edizzjoni għall-pubbliku tar-rivista tat-Torri taʼ l-Għassa. L-esperjenza tistaʼ tiġi reċtata. Skond paragrafu 2 uri wkoll kif jistaʼ jinbeda studju billi jintuża l-aspett “Dak li Nitgħallmu Minn Ġesù,” fit-Torri taʼ l-Għassa taʼ Lulju-Settembru.
Ġimgħa li Tibda 18 t’Awissu
10 min: Avviżi lokali. Avviżi magħżulin mill-Ministeru tas-Saltna. Iddiskuti l-“Programm Ġdid taʼ l-Assemblea tas-Circuit.” Ħabbar id-data taʼ l-assemblea tas-circuit li jmiss jekk hi disponibbli. Fakkar lill-pubblikaturi biex iġibu l-insert tal-Ministeru tas-Saltna għal April dwar il-Konvenzjoni Distrettwali.
20 min: L-Ilbies u d-Dehra Tagħna Jonoraw lil Ġeħova. Taħdita minn anzjan. Peress li Ġeħova hu Alla qaddis, l-indafa fiżika hija prijorità fost il-poplu tiegħu. (Eżo. 30:17-21; 40:30-32) Bl-eżempju tagħna fl-ilbies u d-dehra, b’mod speċjali fil-ministeru tagħna, aħna nogħġbu lil Ġeħova u nagħtuh glorja. (1 Pt. 2:12) Mill-banda l-oħra, li nonqsu milli nagħmlu dan jistaʼ jwassal ‘sabiex il-kelma t’Alla tkun immaqdra.’ (Tit. 2:5) Irrakkonta esperjenza pubblikata jew lokali li turi kif l-apparenza eżemplari taʼ pubblikatur irriżultat biex ngħatat xiehda.
15 min: Żgħażagħ li Jagħtu Xiehda Qawwija. Taħdita inkuraġġanti għall-ġenituri u wliedhom li dalwaqt imorru lura l-iskola. Fakkar liż-żgħażagħ biex jieħdu vantaġġ mill-opportunitajiet ħalli jagħtu xiehda. Skond ma jippermetti l-ħin, stieden lil dawk fl-udjenza biex jirrakkontaw esperjenzi persunali taʼ meta taw xiehda fl-iskola.
Ġimgħa li Tibda 25 t’Awissu
15 min: Avviżi lokali. Aqra r-rapport tal-kontijiet u l-ittra taʼ ringrazzjament għad-donazzjonijiet. Ħabbar l-arranġament speċjali għas-servizz taʼ l-għalqa għal nhar it-Tnejn 8 taʼ Settembru li hi festa pubblika. Irripeti l-pariri u t-tfakkiriet dwar il-Konvenzjoni Distrettwali minn paġni 4 u 5 tal-Ministeru tas-Saltna t’April li japplikaw lokalment.
15 min: Iżolati Iżda Mhux Minsijin. Taħdita bbażata fuq It-Torri taʼ l-Għassa tal-15 t’April, 2008, paġni 25-28. Semmi kwalunkwe Kristjani fil-kongregazzjoni li qed jgħixu fid-djar taʼ l-anzjani lokali. Jekk m’hemmx, uża l-prinċipji fl-artiklu biex tinkuraġġixxi lill-kongregazzjoni ħalli tappoġġa lil kulmin hu marid jew limitat b’xi mod ieħor milli jieħu sehem fl-attivitajiet tal-kongregazzjoni.
15 min: Ibda Studju tal-Bibbja fuq l-Ewwel Żjara Matul Settembru. Diskussjoni maʼ l-udjenza. Matul Settembru se noffru l-ktieb Il-Bibbja X’Tgħallem u se nagħmlu ħilitna biex niddiskutu ftit paragrafi maʼ l-inkwilin fuq l-ewwel żjara. Irrivedi xi suġġerimenti fl-insert tal-Ministeru tas-Saltna taʼ Jannar 2006 u ħejji turija jew tnejn li juru kif jinbeda studju tal-Bibbja fuq l-ewwel żjara.
Ġimgħa li Tibda 1 taʼ Settembru
M’hemmx Laqgħa tas-Servizz għal din il-ġimgħa ladarba l-kongregazzjonijiet kollha se jkunu qed jattendu l-Konvenzjoni Distrettwali.
[Nota taʼ taħt]
a Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.