Int Kif Se Twieġeb?

1. Għala għandna nimitaw l-​eżempju taʼ Ġesù meta jistaqsuna xi mistoqsija?

¹ Sal-​ġurnata tal-​lum, in-​nies jibqgħu mgħaġġbin bil-​mod effettiv kif Ġesù ttratta l-​mistoqsijiet u r-​rikjesti li għamlulu n-​nies. Meta niffaċċjaw mistoqsijiet varji waqt il-​ministeru tagħna, nagħmlu tajjeb li nimitaw lil Ġesù f’dan l-​aspett.—1 Pt. 2:21.

2. X’jistaʼ jgħinna nipprovdu tweġiba effettiva għal xi mistoqsija?

² L-​Ewwel Ismaʼ: Ġesù ħaseb dwar għala l-​persuna qed tistaqsi l-​mistoqsija. Xi drabi dan jirrikjedi li tistaqsi mistoqsijiet biex tkun ċert minn dak li l-​persuna qed taħseb verament. Xi ħadd li jistaqsik, “Int temmen b’Ġesù?” fir-​realtà għandu mnejn qed jaħseb għala ma tiċċelebrax il-​Milied. Jekk tagħraf x’jikkonċerna verament lil min qed jagħmel il-​mistoqsija, tistaʼ tirraġuna miegħu b’mod iktar effettiv.—Lq. 10:25-37.

3. X’għandna disponibbli biex jgħinna nsibu tweġibiet Skritturali sodisfaċenti?

³ Wieġeb bil-​Kelma t’Alla: Ġeneralment, ikun aħjar li tuża l-​Bibbja tiegħek biex twieġeb il-​mistoqsija. (2 Tim. 3:16, 17; Ebr. 4:12) Il-​ktieb Reasoning u “Suġġetti Bibliċi Għal Diskussjoni” fit-​Traduzzjoni tad-​Dinja l-​Ġdida taʼ l-​Iskrittura Mqaddsa wrew li kienu t’għajnuna f’li jagħtu t-​tweġiba t-​tajba. Anki jekk dak li qed jagħmel il-​mistoqsija ma jaċċettax il-​Bibbja bħala awtorità, int tistaʼ b’tattika tkun kapaċi taqsam dak li tgħallem l-​Iskrittura. Inkuraġġixxi l-​persuna biex tikkunsidra bis-​serjetà l-​għerf li nsibu fil-​Bibbja li matul iż-​żmien wera li hu effettiv. Billi timita lil Ġesù, it-​tweġibiet tiegħek se jkunu “bħal tuffieħ tad-​deheb f’tinqix tal-​fidda”—dinjitużi, attraenti, u taʼ valur.—Prov. 25:11.

4. Meta jkun aħjar li ma nipprovawx inwieġbu kull mistoqsija?

⁴ Għandna Nwieġbu Kull Mistoqsija? Jekk ma tkunx taf it-​tweġiba għal xi mistoqsija, tistħix tgħid: “Ma nafx, imma nistaʼ nagħmel riċerka fuq il-​mistoqsija tiegħek u nerġaʼ niġi bit-​tweġiba.” Modestja bħal din u interess persunali jistaʼ jqanqal lill-​inkwilin biex jistiednek terġaʼ tmur. Jekk tagħraf li xi mistoqsija ġejja minn opponenti li forsi jkunu jridu jaqilgħu l-​inkwiet, imita lil Ġesù billi tillimita t-​tweġibiet tiegħek. (Lq. 20:1-8) Bl-​istess mod, jekk xi ħadd li ma jkollux interess ġenwin fil-​verità jipprova jdaħħlek f’xi dibattitu, bl-​edukazzjoni waqqaf il-​konversazzjoni u uża l-​ħin tiegħek biex tfittex lil uħud sinċieri.—Mt. 7:6.

5. Ġesù x’mudell ħallielna biex inwieġbu l-​mistoqsijiet?

⁵ Ġesù kien jaf li l-​fatt li jistrieħ fuq Ġeħova kien vitali biex iwettaq l-​inkarigu tiegħu biex ‘jixhed għall-​verità,’ li inkluda li jwieġeb il-​mistoqsijiet tan-​nies li verament riedu tweġibiet. (Ġw. 18:37) Xi privileġġ għandna biex nimitaw lil Ġesù f’li nagħtu tweġiba lil dawk li għandhom “attitudni xierqa għall-​ħajja taʼ dejjem”!—Atti 13:48.