The Wonders of Creation Reveal God’s Glory

Ħafna nies jaffaxxinaw ruħhom iħarsu lejn il-​ħolqien. Iżda ftit jirrealizzaw li l-​ħolqien jikxef ħafna dwar il-​ħsibijiet u l-​emozzjonijiet tal-​Ħallieq Grandjuż tagħna. (Rum. 1:20) Żmien twil ilu, David tgħallem dwar Ġeħova permezz tal-​Kelma Ispirata Tiegħu. Imma wkoll hu ‘ra’ u resaq qrib Lejh permezz tal-​ħolqien. (Salm 8:3, 4) Id-​DVD bit-​titlu The Wonders of Creation Reveal God’s Glory jgħin kemm lilna, kemm lil uliedna, u kemm lill-​istudenti tal-​Bibbja li nistudjaw magħhom biex nagħtu ħarsa mill-​qrib lejn ftit mill-​ħolqien taʼ Ġeħova, biex naraw il-​personalità tal-​Ħallieq Grandjuż tagħna, u b’riżultat taʼ dan nersqu eqreb lejh. Wara li tkun rajt dan id-​DVD, ara jekk tistax twieġeb il-​mistoqsijiet li ġejjin.

(1) Id-​daqs u l-​ordni tal-​univers fiżiku, kif ikabbarlek l-​apprezzament tiegħek lejn Ġeħova? (Is. 40:26) (2) Meta nagħtu ħarsa iktar mill-​qrib lejn l-​ilma, x’nistgħu nitgħallmu dwar Dak li ddisinjah? (Riv. 14:7) (3) Id-​daqs tad-​dinja u d-​distanza tagħha mix-​xemx, kif juru l-​għerf taʼ Ġeħova? (4) Il-​qamar għal liema skop iservi? (Salm 89:37) (5) Ġeħova kif ħalaq lill-​bnedmin b’tali mod li jkunu jistgħu jgawdu l-​ħajja? (6) X’inhu d-​DNA? (Salm 139:16) (7) Il-​bnedmin kif inhuma differenti mill-​ħolqien kollu li hawn fuq l-​art? (Ġen. 1:26) (8) Int lejn xiex tħares ’il quddiem fid-​dinja l-​ġdida?

Extra Features: (9) Minn fejn jiġu l-​kuluri? (10) L-​ilma kif jegħleb il-​gravità sabiex jilħaq il-​qċaċet tas-​siġar? (11) Liema rwol għandu l-​ilma f’ġisimna? (12) Agħti xi eżempji tal-​armonija li hemm bejn l-​affarijiet ħajjin. (13) Il-​ħlejjaq kif jafu li għandhom jaħdmu flimkien? (14) X’inhu l-​“golden angle,” u kif jintwera fil-​ħolqien?

“Osservaw bir-​Reqqa” Xogħol Idejn Ġeħova: Ġesù inkuraġġiena biex ‘nosservaw bir-​reqqa l-​għasafar tas-​semaʼ u biex ‘nitgħallmu lezzjoni mill-​ġilji tar-​raba2201.’ (Mt. 6:26, 28) Billi nagħmlu dan, se nkabbru l-​fidi tagħna, se jkollna iktar fiduċja fil-​Ħallieq, u se nibnu l-​apprezzament tagħna għall-​għerf taʼ Ġeħova, għall-​qawwa li għandu biex isalvana, u għall-​imħabba tiegħu. Minflok ma nħallu lilna nfusna niġu distratti bla bżonn mill-​affarijiet taʼ din id-​dinja, ejja nagħmlu l-​ħin u l-​isforz biex nosservaw il-​meravilji tal-​ħolqien taʼ Ġeħova u nirriflettu fuq dak li jgħidilna dwar Alla tagħna.—Salm 19:1.