Il-​Kelma t’Alla Għalina Permezz taʼ Ġeremija

1. Liema pubblikazzjoni ħarġet fil-​konvenzjoni distrettwali tal-​2010, u kif se nużawha?

¹ Kemm konna eċċitati meta ħareġ ktieb ġdid b’dan it-​titlu fil-​Konvenzjoni Distrettwali tal-​2010 “Ibqaʼ Qrib taʼ Ġeħova!” Din il-​pubblikazzjoni tenfasizza tagħlimiet għall-​ħajja tagħna taʼ kuljum li jinsabu fil-​ktieb taʼ Ġeremija u dak tal-​Lamentazzjonijiet. (Rum. 15:4) Dan il-​ktieb hu mħejji biex nużawh fl-​Istudju tal-​Bibbja tal-​Kongregazzjoni, u għalhekk se nibdew nistudjawh mill-​ġimgħa li tibda 5 taʼ Novembru, 2012.

2. Għala nistgħu nibbenefikaw minn studju tal-​ktieb Bibliku taʼ Ġeremija u dak tal-​Lamentazzjonijiet?

² Taʼ Benefiċċju Llum: Ġeremija, il-​kittieb taʼ dan il-​ktieb Bibliku ispirat, ipprofetizza matul żmien taʼ taqlib fil-​Lhudija. Għall-​ewwel, ma ħassux kwalifikat għall-​inkarigu li ngħata. (Ġer. 1:6) Ukoll, hu ġie persegwitat minn nies li kien jafhom u forsi minn xi qraba mill-​belt fejn kien joqgħod, Għanatot. (Ġer. 11:21, 22) Nistgħu nifhmu għala Ġeremija kultant ħassu skuraġġit. (Ġer. 20:14) Hekk kif inwettqu l-​inkarigu tagħna biex ‘nagħmlu dixxipli min-​nies tal-​ġnus kollha,’ spiss nesperjenzaw sfidi u sentimenti simili għal dawk li esperjenza Ġeremija. (Mt. 28:19) Hekk kif nistudjaw il-​kitbiet tiegħu se niġu megħjunin biex inwettqu l-​ministeru tagħna b’fiduċja u b’żelu.

3. Kif se nużaw ċerti aspetti tal-​ktieb Ġeremija?

³ Affarijiet li Jispikkaw fil-​Ktieb: Skritturi prinċipali li għandhom jinqraw matul id-​diskussjoni huma miktubin bil-​korsiv. Kull ġimgħa, fit-​tmiem taʼ kull studju hemm mistoqsija sinifikanti jew tnejn miktubin b’tipa grassa li jenfasizzaw il-​punti prinċipali tal-​lezzjoni. Dawn il-​mistoqsijiet għandhom isiru lill-​udjenza bħala reviżjoni. Fil-​ktieb hemm stampi mill-​isbaħ li l-​kongregazzjoni bla dubju se tkun trid tikkummenta dwarhom.

4. Kif nistgħu nibbenefikaw bis-​sħiħ mill-​istudju tal-​ktieb Ġeremija?

⁴ Sabiex tibbenefika bis-​sħiħ, ipprepara l-​lezzjoni minn qabel. Fittex punti li tistaʼ tużahom fil-​ħajja u l-​ministeru tiegħek. Ikkummenta kemm jistaʼ jkun. Bil-​barka taʼ Ġeħova, Ġeremija wettaq l-​inkarigu tiegħu b’ferħ u b’kuntentizza. (Ġer. 15:16) Jalla l-​istudju tagħna taʼ din il-​pubblikazzjoni ġdida jgħinna nwettqu l-​ministeru tagħna bl-​istess mod!