Serje t’Għajnuna għall-Ministeru Tagħna
1. Liema żewġ miri għandha s-serje “Konversazzjoni maʼ Ġara”?
1 Minn żmien għal żmien, l-edizzjoni għall-pubbliku tat-Torri tal-Għassa jkun fiha s-serje “Konversazzjoni maʼ Ġara.” Din is-serje għandha żewġ miri—biex tippreżenta t-tagħlim tal-Bibbja b’mod li jħajjar lil dak li jkun u biex turina kif nistgħu nirraġunaw bit-tattika fuq ċerti suġġetti. (1 Pt. 3:15) Kif nistgħu nużaw dawn l-artikli b’mod tajjeb?
2. Kif nistgħu nużaw din is-serje t’artikli fil-ministeru tagħna?
2 Użahom fil-Ministeru: Forsi tistaʼ terfaʼ xi kopji taʼ ħarġiet tat-Torri tal-Għassa li fihom hemm artikli minn din is-serje. Meta inkwilin, persuna interessata, jew student tal-Bibbja jagħmel mistoqsija jew iqajjem oġġezzjoni li tkun dehret f’wieħed minn dawn l-artikli, agħtih kopja taʼ dan l-artiklu u offri li tiddiskutih miegħu. Jekk m’għandekx kopja stampata tar-rivista li fiha kien hemm l-artiklu, forsi tkun tistaʼ tniżżilha minn fuq jw.org/mt.
3. Kif nistgħu niddiskutu wieħed minn dawn l-artikli maʼ inkwilin?
3 Kif tistaʼ tiddiskuti wieħed minn dawn l-artikli maʼ xi ħadd? Xi wħud staqsew lil individwu jaqra b’leħen għoli l-kliem tal-ġar, filwaqt li huma jaqraw il-kliem tax-Xhud. Dan il-metodu jistaʼ jkun effettiv għax iħalli lill-individwu jeżamina t-twemmin tagħna b’mod li ma jġegħlux iħossu skomdu.—Dt. 32:2.
4. Kif nistgħu nużaw l-artikli f’din is-serje biex inħarrġu lilna nfusna?
4 Ħarreġ Lilek Innifsek u lil Oħrajn: Hekk kif taqra dawn l-artikli, agħti kas l-iskritturi, it-tixbihat, u l-irraġunar. Innota l-istil li bih inkiteb il-materjal. Imbagħad ipprova metodu simili fil-ministeru tiegħek. (Prov. 1:5; 9:9) Waħda oħt qalet, “Li taqra dawn l-artikli hu bħallikieku qed titgħallem minn pijunier ‘perfett’—wieħed li dejjem jaf eżatt x’għandu jgħid!”
5. Kif nistgħu ngħinu ’l-istudenti tal-Bibbja tagħna jippreparaw għall-ministeru?
5 Tistaʼ wkoll tuża dawn l-eżempji bil-miktub biex tgħin ’l-istudenti tal-Bibbja tiegħek jippreparaw għall-ministeru. Aqraw l-informazzjoni flimkien, u ħalli l-istudent jagħmel il-parti tal-pubblikatur. B’dan il-mod, l-istudenti tal-Bibbja jkunu jistgħu jipprattikaw kif jesprimu t-twemmin tagħhom bit-tattika. (Kol. 4:6) Dawn l-artikli tassew huma wieħed mill-modi kif Ġeħova jgħinna ‘nwettqu bis-sħiħ’ il-ministeru tagħna.—2 Tim. 4:5.