Intejbu l-​abbiltajiet tagħna fil-​ministeru—Nippreparaw l-​introduzzjoni tagħna

Għala hu importanti: Jekk l-​introduzzjoni tagħna ma tqanqalx l-​interess, l-​inkwilin għandu mnejn itemm il-​konversazzjoni qabel ma nilħqu nagħtuh xhieda. Għaldaqstant, ħafna pubblikaturi jqisu li l-​ewwel ftit kliem li jgħidu huwa l-​iktar parti importanti mill-​preżentazzjoni tagħhom. Għalkemm fil-​Ministeru tas-​Saltna u fil-​ktejjeb Kif Nibdew u Nkomplu Diskussjonijiet Fuq Il-​Bibbja nsibu eżempji taʼ preżentazzjonijiet, mhux dejjem ikun fihom introduzzjoni sħiħa, u dan sabiex inkunu nistgħu nadattawhom skont il-​bżonn. Anki jekk eżempju taʼ preżentazzjoni jkun sħiħ, xi pubblikaturi għandhom mnejn jagħżlu li jbiddlu xi kliem jew jippreparaw l-​introduzzjoni tagħhom. B’hekk, se nkunu iktar effettivi jekk nippreparaw bir-​reqqa l-​introduzzjoni tagħna minflok ma naqbdu u ngħidu dak li jiġi f’moħħna meta l-​inkwilin jiftaħ il-​bieb.—Prov. 15:28.