Aqsam “affarijiet tajbin” m’oħrajn billi tkun ospitabbli (Mt. 12:35a)

Bla dubju kull wieħed u waħda minna jrid jaqsam “affarijiet tajbin” m’oħrajn billi ‘juri dejjem l-​ospitalità.’ (Rum. 12:13) Meta kelliemi jżur kongregazzjoni, l-​anzjani taʼ dik il-​kongregazzjoni għandhom ikunu minn taʼ quddiem f’li juruh ospitalità u wkoll iħallsulu l-​ispejjeż tal-​vjaġġ. Madankollu, forsi aħna naħsbuha darbtejn biex nuru ospitalità minħabba li ma naffordjawx, jew forsi nħossuna ansjużi għall-​fatt li xi ħadd ikun ġej id-​dar tagħna. Jekk nieħdu bis-​serjetà l-​parir li Ġesù ta lil Marta, dan jistaʼ jgħinna negħlbu sentimenti bħal dawn. (Lq. 10:39-​42) Hu enfasizza li “l-​aħjar sehem,” jiġifieri l-​aħjar aspett, tal-​ospitalità hija s-​sħubija u l-​inkuraġġiment, mhux xi ikla elaborata jew tiżjin mill-​isbaħ tad-​dar. Billi napplikaw dan il-​parir, ilkoll nistgħu naqsmu “affarijiet tajbin” maʼ ħutna fi qbil mal-​Kelma t’Alla.—3 Ġw. 5-​8.