B’żelu nqanqlu lil xulxin għall-​għemejjel tajbin

Ebrej 10:24 iħeġġiġna biex “nagħtu kas xulxin biex nitqanqlu għall-​imħabba u l-​għemejjel tajbin.” Nistgħu nqanqlu lil ħutna bl-​eżempju tagħna u bl-​espressjonijiet taʼ fidi tagħna. Aqsam l-​esperjenzi sbieħ li jkollok m’oħrajn fil-​kongregazzjoni. Ħallihom jaraw il-​ferħ li tħoss meta taqdi lil Ġeħova. Fl-​istess ħin, oqgħod attent li ma tqabbilx l-​aħwa miegħek jew m’oħrajn b’mod li ġġegħelhom iħossuhom ħażin. (Gal. 6:4) Stinka biex tuża l-​abbiltajiet tiegħek biex tqanqal lil oħrajn jagħmlu “l-​għemejjel tajbin” sforz “l-​imħabba” u mhux il-​ħtija. (Ara l-​ktieb Skola tal-​Ministeru, p. 158, para. 4.) Jekk inqanqlu l-​aħwa għall-​imħabba, imbagħad l-​għemejjel—bħall-​għoti t’għajnuna materjali jew l-​ippritkar—jiġu waħedhom.—2 Kor. 1:24.