“Dan il-​kliem . . . irid ikun f’qalbek”

Il-​ġenituri huma bħal ragħajja. Għandhom jieħdu ħsieb sew uliedhom, li faċilment jistgħu jitbiegħdu u jsiru vulnerabbli għall-​attakk. (Prov. 27:23) Il-​ġenituri kif jistgħu jagħmlu dan? Għandhom iqattgħu l-​ħin kuljum biex jikkomunikaw maʼ wliedhom sabiex isiru jafu x’hemm f’moħħhom u f’qalbhom. (Prov. 20:5) Ukoll, il-​ġenituri għandhom jibnu b’materjal li jkun jiflaħ għan-​nar ħalli jsaħħu l-​fidi taʼ wliedhom. (1 Kor. 3:10-​15) Il-​vidjow “Dan il-​kliem . . . irid ikun f’qalbek” jiġbed l-​attenzjoni lejn l-​importanza taʼ qima bħala familja regulari. Arawh bħala familja, u mbagħad iddiskutu l-​mistoqsijiet li ġejjin.

(1) X’ġiegħel lill-​familja Borg biex ma tibqax daqstant iffokata spiritwalment? (2) Għaliex l-​ewwel darba li Thomas ipprova jagħmel il-​qima bħala familja ma rnexxietx? (3) Liema “riċetta” Skritturali tagħtik l-​aħjar possibbiltà biex trabbi t-​tfal b’suċċess? (Dt. 6:6, 7) (4) X’jistaʼ jgħin biex ikun hemm komunikazzjoni aħjar fil-​familja? (5) Il-​ġenituri liema tip taʼ sagrifiċċji għandhom jagħmlu għat-​tfal? (6) Il-​koppja Martin u Isabel, kif kienu t’influwenza tajba għall-​familja taʼ Thomas? (Prov. 27:17) (7) Kap tal-​familja x’għandu jagħmel bil-​quddiem biex il-​qima bħala familja tkun waħda taʼ suċċess? (8) Thomas x’beda jagħmel biex itejjeb l-​affarijiet għal familtu? (9) Għala hu importanti li l-​qima bħala familja tkun konsistenti? (Efes. 6:4) (10) Liema huma xi ideat prattiċi għall-​qima bħala familja? (11) Thomas kif kien kalm imma sod meta kien qed jgħin lil Marcus biex japprezza l-​importanza taʼ li jagħmel dak li hu sew? (Ġer. 17:9) (12) Il-​koppja Thomas u Monica kif irraġunaw maʼ Rebecca biex jgħinuha tieħu d-​deċiżjoni t-​tajba dwar ir-​relazzjoni li kellha maʼ Justin? (Mk. 12:30; 2 Tim. 2:22) (13) Il-​koppja Thomas u Monica kif urew fidi meta għamlu aġġustamenti f’ħajjithom? (Mt. 6:33) (14) Il-​vidjow kif jenfasizza li l-​kapijiet tal-​familja għandhom bżonn jipprovdu b’mod spiritwali għall-​familji tagħhom? (1 Tim. 5:8) (15) X’inhi d-​determinazzjoni tiegħek bħala kap tal-​familja?

NOTA GĦALL-​KAPIJIET TAL-​FAMILJA: Din id-​drama saret fil-​konvenzjoni tal-​2011. F’dak iż-​żmien, indunajt fejn tistaʼ ttejjeb fil-​qima bħala familja tiegħek? Xi ngħidu għal issa? Jekk għad hemm fejn tistaʼ tagħmel aġġustamenti, jekk jogħġbok itlob biex tagħmel it-​tibdil meħtieġ għal benefiċċju dejjiemi tal-​familja tiegħek.—Efes. 5:15-​17.