Viżjoni li ssaħħaħ il-fidi

9:1-7

Immaġina kif ħassu Ġesù meta waqt il-​viżjoni tat-​trasfigurazzjoni semaʼ lil Missieru tas-​sema jgħid li Hu kien japprovah. Bla dubju, din saħħet lil Ġesù u ppreparatu għat-​tbatija li kien ħa jgħaddi minnha. Din il-​viżjoni ħalliet impressjoni qawwija anki fuq Pietru, Ġakbu, u Ġwanni. Il-​viżjoni kkonvinċiethom li Ġesù veru kien il-​Messija, u li huma kienu qed jagħmlu sew li jisimgħu minnu. Xi 32 sena wara, Pietru kien għadu jiftakar din l-​esperjenza u kif kienet saħħet il-​fidi tiegħu fil-​“kelma profetika.”—2Pt 1:16-19.

Għalkemm ma rajniex din il-​viżjoni tal-​għaġeb b’għajnejna stess, aħna qed narawha titwettaq. Ġesù qed isaltan bħala Sultan setgħan. Dalwaqt ħa “jtemm ir-​rebħa tiegħu,” u b’hekk jiftaħ it-​triq għal dinja ġdida mingħajr ħażen.—Ri 6:2.

Il-​fidi tiegħek kif tissaħħaħ meta tara t-​twettiq tal-​profeziji tal-​Bibbja?