Żgħażagħ—Kunu żelużi “għal għemejjel tajbin”

Fl-​ittra ispirati tiegħu lil Titu, l-​appostlu Pawlu kiteb li l-​irġiel żgħażagħ, fosthom Titu, kellhom jagħmlu l-​almu tagħhom biex f’kollox ikunu “t’eżempju f’għemejjel tajbin.” (Tit 2:6, 7) Iktar tard fl-​istess kapitlu, hu wera li Ġesù kien se jnaddaf lin-​nies taʼ Ġeħova biex ikunu ‘żelużi għal għemejjel tajbin.’ (Tit 2:14) Wieħed minn dawn l-​għemejjel tajbin hu li nippritkaw u ngħallmu dwar is-​Saltna t’Alla. Jekk int żagħżugħ, tistaʼ tuża s-​saħħa tiegħek biex taqdi bħala pijunier awżiljarju jew regulari?—Pr 20:29.

Jekk int tixtieq taqdi bħala pijunier, agħmel pjan realistiku taʼ kif tistaʼ tilħaq din il-​mira. (Lq 14:28-​30) Pereżempju, kif se tmantni lilek innifsek waqt li taqdi fil-​ministeru full-​time? Kif se tilħaq il-​ħtieġa tas-​sigħat? Itlob lil Ġeħova biex ikun jistaʼ jgħinek. (Sa 37:5) Iddiskuti l-​pjan li għamilt mal-​ġenituri tiegħek u maʼ dawk li kellhom suċċess bħala pijunieri. Imbagħad ħu passi biex tilħaq il-​mira tiegħek. Meta nkunu żelużi u nagħmlu ħilitna fix-​xogħol taʼ Ġeħova, hu żgur li se jberikna.

ARA L-​VIDJOW ŻGĦAŻAGĦ LI JONORAW LIL ĠEĦOVA, U MBAGĦAD WIEĠEB IL-​MISTOQSIJIET LI ĠEJJIN:

• Xi sfidi għelbu xi wħud biex ikunu jistgħu jaqdu bħala pijunieri, u kif għamlu dan?

• Il-​ġenituri kif jistgħu jgħinu lit-​tfal tagħhom biex isiru pijunieri regulari?

• Għala hu importanti li jkollok skeda?

• Membri tal-​kongregazzjoni kif jistgħu jinkuraġġixxu u jgħinu lil pijunier?

• Dawk li jaqdu bħala pijunieri, x’barkiet ikollhom?