Oqgħod Attent li Ma Xxerridx Informazzjoni Żbaljata

Illum, l-​informazzjoni tistaʼ tasal malajr għand miljuni taʼ nies permezz tal-​istampar, tar-​radju, tat-​televixin, u tal-​Internet. Dawk li jqimu “l-​Alla tal-​verità” ma jridux ixerrdu informazzjoni falza, lanqas bi żball. (Sa 31:5; Eżo 23:1) Li tgħid affarijiet li mhumiex minnhom lil oħrajn jistaʼ jikkaġuna ħafna ħsara. Meta tipprova tara jekk xi ħaġa hix minnha, staqsi lilek innifsek:

• ‘Nafda minn fejn ġejja l-​informazzjoni?’ Dak li jgħid l-​istorja jistaʼ ma jkunx jaf il-​fatti kollha. Meta l-​istejjer jgħaddu minn persuna għall-​oħra, hemm iktar ċans li jinbidlu. Allura oqgħod attent minn fejn tkun ġejja l-​istorja. Peress li dawk li għandhom responsabbiltajiet fil-​kongregazzjoni huma rispettati, huma għandhom joqogħdu speċjalment attenti meta jxerrdu informazzjoni li ma jkunux jafu jekk hix vera jew le

• ‘L-​informazzjoni tħammeġ ir-​reputazzjoni taʼ xi ħadd?’ Jekk se ġġiegħel lil dak li jkun ikollu impressjoni ħażina dwar persuna jew grupp, ikun aħjar li ma nirrepetuhiex.—Pr 18:8; Flp 4:8

• ‘Hija l-​istorja taʼ min jemminha?’ Oqgħod attent meta tismaʼ stejjer u esperjenzi esaġerati

ARA L-​VIDJOW KIF NISTAʼ NWAQQAF IL-​GOSSIP? U MBAGĦAD WIEĠEB IL-​MISTOQSIJIET LI ĠEJJIN:

• 

  Skont Proverbji 12:18, il-​kliem xi ħsara jistaʼ jagħmel?

• 

  Filippin 2:4 kif jgħinna naħsbu sew x’ngħidu dwar oħrajn?

• 

  X’għandna nagħmlu meta l-​kummenti li nisimgħu dwar oħrajn jibdew ikunu sarkastiċi jew negattivi?

• 

  Qabel ma nibdew nitkellmu fuq xi ħadd, x’għandna nistaqsu lilna nfusna?