Għala Jibqaʼ Jkun Hawn il-Gwerer?
Il-Bibbja tispjega għala hawn il-gwerer u għala jibqgħu jiġru.
ID-DNUB
Alla ħalaq lill-ewwel ġenituri tagħna, Adam u Eva, fix-xbieha tiegħu. (Ġenesi 1:27) Dan ifisser li huma kien se jkollhom il-kwalitajiet t’Alla, inkluż il-paċi u l-imħabba. (1 Korintin 14:33; 1 Ġwanni 4:8) Però, Adam u Eva m’obdewx lil Alla u għamlu dnub. Minħabba f’hekk, aħna writna mingħandhom id-dnub u l-mewt. (Rumani 5:12) Minħabba li writna d-dnub spiss jistaʼ jkollna ħsibijiet ħżiena, u minħabba f’hekk ħafna nies jagħmlu affarijiet ħżiena.—Ġenesi 6:5; Marku 7:21, 22.
IL-GVERNIJIET
Alla ma ħalaqniex biex immexxu lilna nfusna. Il-Bibbja tgħid: “Lanqas min jimxi ma jistaʼ jidderieġi l-passi tiegħu.” (Ġeremija 10:23) Minħabba f’hekk, il-gvernijiet ma jistgħux iwaqqfu l-vjolenza u l-gwerer għalkollox.
SATANA U D-DEMONJI TIEGĦU
Il-Bibbja tgħid li “d-dinja qiegħda taħt il-qawwa tax-Xitan.” (1 Ġwanni 5:19) “Ix-Xitan” li jissejjaħ Satana, hu qattiel mill-agħar. (Ġwanni 8:44) Hu u d-demonji tiegħu jinfluwenzaw lin-nies biex jaqilgħu l-gwerer u jkunu vjolenti.—Rivelazzjoni 12:9, 12.
In-nies ma jistgħux ineħħu l-affarijiet li jġibu l-vjolenza u l-gwerer, imma Alla jistaʼ.