Ġesù “Tgħallem X’Jiġifieri Jobdi”

Ġesù dejjem obda lil Ġeħova. (Ġw. 8:29) Allura, il-Bibbja għala tgħid: “Hu tgħallem x’jiġifieri jobdi mit-tbatija li għadda minnha”?—Lhud 5:8.

Meta kien fuq l-art, Ġesù esperjenza affarijiet li qatt ma kien esperjenza qabel fis-sema. Pereżempju, hu trabba minn ġenituri li kienu jħobbu lil Ġeħova, imma kienu imperfetti. (Luqa 2:51) Hu ġie trattat ħażin minn mexxejja reliġjużi korrotti u uffiċjali għoljin inġusti. (Mat. 26:59; Mrk. 15:15) U miet mewta taʼ wġigħ kbir. Il-Bibbja tgħid li “hu umilja lilu nnifsu u kien ubbidjenti sal-mewt.”—Flp. 2:8.

B’dawn l-affarijiet Ġesù tgħallem x’jiġifieri jobdi b’modi ġodda li qatt ma kien tgħallem qabel fis-sema. Għalhekk, hu setaʼ jsir l-aqwa Re u Qassis il-Kbir li vera jistaʼ jifhimna. (Lhud 4:15; 5:9) Wara li “tgħallem x’jiġifieri jobdi mit-tbatija li għadda minnha,” Ġesù sar iktar prezzjuż għal Ġeħova u wrieh li jistaʼ jużah iktar. Anki aħna, meta nibqgħu ubbidjenti minkejja ċirkustanzi diffiċli, insiru iktar prezzjużi għal Ġeħova u nuruh li jistaʼ jużana fi kwalunkwe inkarigu.—Ġak. 1:4.