Id-Dinja Qed Tinqered—X’Tgħid il-Bibbja?

“Aħna dalwaqt se niffaċċjaw diżastru fil-klima. Bliet kbar se jegħrqu. Heatwaves li qatt ma kien hawn bħalhom. Maltempati tal-biżaʼ. Nuqqas t’ilma f’ħafna pajjiżi. Ħafna tipi taʼ pjanti u annimali mhux se jibqgħu jeżistu. Dawn l-affarijiet mhux storja jew xi ħaġa esaġerata. Imma dan x’jgħidu li se jiġri x-xjentisti jekk il-gvernijiet ma jbiddlux kif jużaw l-enerġija.”—António Guterres, segretarju ġenerali tal-Ġnus Magħquda dwar ir-rapport Intergovernmental Panel on Climate Change li ħareġ fl-4 t’April 2022.

“Ix-xjentisti qed javżaw li kważi l-423 park nazzjonali [li hemm l-Istati Uniti] dalwaqt se jkollhom ħafna ħsara minħabba l-climate change għax ma jifilħux għal temperatura għolja. Dawn l-affarijiet koroh qishom id-diżastri li ssemmi l-Bibbja: nar u dulluvju, silġ idub, baħar jogħla, u heat waves.”—“Flooding Chaos in Yellowstone, a Sign of Crises to Come,” il-gazzetta The New York Times, 15 taʼ Ġunju 2022.

Il-problemi tal-ambjent jistgħu jitranġaw? Jekk iva, min se jirranġahom? Ara x’tgħid il-Bibbja.

Il-Bibbja ilha li semmiet il-ħsara fl-ambjent

Il-Bibbja tgħid li Alla se ‘jeqred lil dawk li qed jeqirdu l-art.’ (Rivelazzjoni 11:18) Dan il-vers mill-Bibbja jgħallimna tliet affarijiet:

1. 1. Dak li jagħmlu n-nies se jagħmel ħafna ħsara lid-dinja.

2. 2. Dawk li qed jeqirdu d-dinja se jispiċċaw.

3. 3. Alla se jsolvi l-problemi tal-ambjent u mhux in-nies.

Id-dinja għandha futur sabiħ

Il-Bibbja tgħid li “l-art tibqaʼ wieqfa għal dejjem.” (Ekkleżjasti 1:4) In-nies se jibqgħu jgħixu fid-dinja.

• “In-nies sewwa se jirtu l-art, u jgħixu fiha għal dejjem.”—Salm 37:29.

Il-ħsara li saret lid-dinja se titranġa.

• “Ħa jifirħu d-deżert u l-art maħruqa; ħa jifraħ ix-xagħri u jwarrad, ħa jwarrad bħar-ranġis.”—Isaija 35:1, Il-Bibbja, Għaqda Biblika Maltija.