Il-Ħajja Vegan—X’Tgħid il-Bibbja?

Illum, ħafna nies madwar id-dinja huma interessati mid-dieta tal-vegan.

• “Li tkun Vegan huwa mod taʼ kif tgħix u taħseb. Min hu vegan, jagħmel kulma jistaʼ biex jevita li jweġġaʼ jew juża l-annimali għall-ikel, għall-ħwejjeġ, jew għal kwalunkwe ħaġa oħra.”—The Vegan Society.

Xi nies isiru vegan mhux biss għax ma jixtiqux jweġġgħu l-annimali, imma biex ma jħammġux l-ambjent, ikollhom saħħa aħjar, jew minħabba dak li jemmnu fir-reliġjon tagħhom.

• “Li persuna tkun vegan hu differenti minn dieti oħra li jagħmlu in-nies. Dan minħabba li jqisuha bħala xi ħaġa li temmen fiha, deċiżjoni bejn x’inhu tajjeb u ħażin, u mod għal kull persuna biex tirranġa d-dinja għall-aħjar.”—Britannica Academic.

Id-dinja se tkun aħjar jekk kulħadd jkun vegan? X’tgħid il-Bibbja?

Dak li jaħseb il-Ħallieq dwar in-nies u l-annimali

Il-Bibbja tgħidilna li l-Ħallieq tagħna, Alla Ġeħova,a iqis lin-nies iktar importanti mill-annimali u hu tagħna l-awtorità fuqhom. (Ġenesi 1:27, 28) Maż-żmien, Alla ħalla lin-nies jużaw l-annimali għall-ikel. (Ġenesi 9:3) Però, hu ma jridniex li nittrattawhom ħażin.—Proverbji 12:10.

Skont dak li tgħid il-Bibbja, din hi deċiżjoni personali.b Jekk niklux laħam jew le mhux se jagħmilna nies aħjar għal Alla. (1 Korintin 8:8) Ħadd m’għandu jiġġudika x’jagħżel ħaddieħor dwar x’jiekol jew ma jikolx.—Rumani 14:3.

Is-soluzzjoni għall-futur aħjar

Il-Bibbja tgħidilna li l-mod kif ngħixu ħajjitna mhux se jirranġa l-problemi fid-dinja. Ħafna problemi jiġu minħabba l-politika, in-nies taʼ madwarna, u s-sistema ekonomika taʼ din id-dinja, li ħadd minnha ma jistaʼ jirranġa. Il-Bibbja tgħid:

• “Dak li hu mgħawweġ ma jistax jiġi drittat.”—Ekkleżjasti 1:15.

Il-Ħallieq tagħna se jirranġa l-problemi li hawn. Il-Bibbja tgħidilna b’mod figurattiv x’se jagħmel Alla.

• “U rajt sema ġdid u art ġdida; għax is-sema taʼ qabel u l-art taʼ qabel kienu għaddew, u l-baħar ma kienx għadu jeżisti.”—Rivelazzjoni 21:1.

Alla se jneħħi l-gvernijiet li hawn fuq l-art, jew “is-sema taʼ qabel,” u jpoġġi “sema ġdid,” li hi s-Saltna tiegħu fis-sema. Is-Saltna t’Alla se tneħħi “l-art taʼ qabel,” jiġifieri n-nies li huma ħżiena, u se tmexxi “art ġdida,” jiġifieri n-nies li jridu jgħixu taħt is-Saltna t’Alla.

Matul it-tmexxija tas-Saltna t’Alla biss, in-nies se jitgħallmu jgħixu fil-paċi mal-annimali u jżommu l-ambjent nadif.—Isaija 11:6-9.