• Tistaʼ Tirbaħ Lura lil Ħuk
    It-Torri tal-Għassa—1999 | Ottubru 15

    • 5, 6. Skond il-​kuntest, Mattew 18:15 għal liema xorta taʼ dnubiet kien qed jipponta, u x’jindikah dan?

      5 Fil-​veru sens tal-​kelma, il-​parir taʼ Ġesù japplika għal affarijiet iżjed serji. Ġesù qal: “Jekk ħuk jaqaʼ f’xi dnub.” F’sens ġenerali, “dnub” jistaʼ jkun kwalunkwe żball jew nuqqas. (Ġob 2:10; Proverbji 21:4; Ġakbu 4:17) Madankollu, il-​kuntest jissuġġerixxi li d-​dnub li ried ifisser Ġesù kien wieħed serju. Kien gravi biżżejjed li setaʼ jwassal lil dak li jagħmel il-​ħażin biex jitqies bħala “wieħed pagan u pubblikan.” X’timplika dik il-​frażi?

      6 Id-​dixxipli taʼ Ġesù li semgħu dan il-​kliem kienu jafu li n-​nies taʼ pajjiżhom ma kinux jissieħbu mal-​Ġentili. (Ġwann 4:9; 18:28; Atti 10:28) U żgur li kienu jevitaw lill-​pubblikani, irġiel taʼ dixxendenza Lhudija li kienu jisfruttaw lin-​nies. Għalhekk, fil-​veru sens tal-​kelma, ir-​referenza f’Mattew 18:15-17 kienet għal xi dnubiet serji, mhux għal xi offiżi jew weġgħat persunali li tistaʼ sempliċement tinsihom u taħfirhom.—Mattew 18:21, 22.a

  • Tistaʼ Tirbaħ Lura lil Ħuk
    It-Torri tal-Għassa—1999 | Ottubru 15

    • a Is-Cyclopedia taʼ McClintock u Strong tgħid: “Il-​pubblikani [nies li jiġbru t-​taxxi] tat-​Test[ment] il-​Ġdid kienu meqjusin bħala tradituri u apostati, imniġġsa bil-​kuntatt kontinwu tagħhom mal-​pagani, għodda ħerqana f’idejn l-​oppressur. Huma kienu klassifikati mal-​midinbin . . . Mitluqa għal riħhom, billi nies li jgħixu ħajja diċenti kienu jżommu ’l bogħod minnhom, l-​uniċi ħbieb jew imseħbin li kellhom kienu jinsabu fost dawk, li bħalhom, kienu emarġinati.”