X’Jgħallmu r-​Reliġjonijiet Foloz Dwar Alla?

Jekk Alla hu mħabba, għala qed isiru ħafna affarijiet ħżiena mir-​reliġjonijiet li jgħidu li jirrappreżentawh? Għax dawn ir-​reliġjonijiet huma ħżiena. Huma jġiegħlu n-​nies jemmnu l-​gideb dwar Alla b’dak li jgħidu u jagħmlu. Kif jigdbu dwar Alla? Hu kif iħossu dwar dan? U x’se jagħmel?

1. Ir-​reliġjonijiet foloz kif jigdbu dwar Alla b’dak li jgħallmu?

Ir-​reliġjonijiet foloz “bidlu l-​verità t’Alla mal-​gidba.” (Rumani 1:25) Pereżempju, ħafna reliġjonijiet ma jgħallmux x’jismu Alla. Però, il-​Bibbja tgħid li għandna nużaw isem Alla. (Rumani 10:​13, 14) Meta tiġri xi ħaġa kerha, ħafna mexxejja reliġjużi jgħidu li Alla hekk ried. Imma din gidba. Alla qatt ma jagħmel affarijiet ħżiena. (Aqra Ġakbu 1:13.) B’dispjaċir, il-​mexxejja reliġjużi jagħmluha diffiċli biex in-​nies iħobbu ’l Alla.

2. Ir-​reliġjonijiet foloz kif jigdbu dwar Alla b’dak li jagħmlu?

Ir-​reliġjonijiet foloz ma jittrattawx lin-​nies bħalma jittrattahom Ġeħova. Il-​Bibbja tgħid li d-​dnubiet tar-​reliġjonijiet foloz “inġemgħu u għolew sas-​sema.” (Rivelazzjoni 18:5) Għal mijiet taʼ snin, ir-​reliġjonijiet indaħlu fil-​politika, issapportjaw il-​gwerer, u b’mod dirett u indirett qatlu ħafna nies. Ħafna mexxejja reliġjużi jridu jgawdu ħajja lussuża, u għalhekk jitolbu l-​flus min-​nies tagħhom. Dan kollu juri kemm lanqas biss jafu ’l Alla, aħseb u ara kemm għandhom id-​dritt li jirrappreżentawh.​—Aqra l-​1 Ġwanni 4:8.

3. Alla kif iħossu dwar ir-​reliġjonijiet foloz?

Jekk l-​affarijiet li jagħmlu r-​reliġjonijiet foloz jirrabjawk, mela kemm iktar jirrabjaw lil Alla! Hu jħobb lin-​nies, imma hu rrabjat mal-​mexxejja reliġjużi għax jigdbu fuqu u jittrattaw ħażin lin-​nies. Hu jwiegħed li se jeqred lir-​reliġjonijiet foloz u li ‘qatt iktar mhu se jerġgħu jinstabu.’ (Rivelazzjoni 18:21) Alla dalwaqt se jeqred ir-​reliġjonijiet foloz kollha.​—Rivelazzjoni 18:8.

TGĦALLEM IŻJED

4. Alla ma jaċċettax ir-​reliġjonijiet kollha

Ħafna nies jemmnu li r-​reliġjonijiet kollha jwassluk għand Alla. Imma dan veru? Aqra Mattew 7:​13, 14, u mbagħad iddiskuti:

• X’tgħid il-​Bibbja dwar it-​triq li twasslek għall-​ħajja?

Ara l-​VIDJOW, u mbagħad iddiskuti l-​mistoqsija.

VIDJOW: Jaċċetta Alla Kull Tip taʼ Qima?​—Parti mill-​Vidjow (3:​22)

• Skont il-​Bibbja, Alla jaċċetta ħafna reliġjonijiet differenti?

5. Ir-​reliġjonijiet foloz ma jurux l-​imħabba t’Alla

Ir-​reliġjonijiet foloz gidbu b’ħafna modi fuq Alla. Pereżempju dan jagħmluh meta jieħdu sehem fil-​gwerer. Ara l-​VIDJOW, u mbagħad iddiskuti l-​mistoqsijiet li ġejjin.

VIDJOW: X’Għamlu l-​Knejjes fit-​Tieni Gwerra Dinjija (2:​22)

• Ħafna knejjes x’għamlu waqt it-​Tieni Gwerra Dinjija?

• Kif tħossok dwar dak li għamlu?

Aqra Ġwanni 13:​34, 35 u 17:​16, u mbagħad iddiskuti:

• Kif taħseb li jħossu Ġeħova meta r-​reliġjonijiet jieħdu sehem fil-​gwerer?

• Ir-​reliġjonijiet foloz huma responsabbli għal ħafna affarijiet ħżiena. Innotajt xi modi kif ir-​reliġjonijiet mhumiex juru l-​imħabba t’Alla?

6. Alla jrid jgħin lin-​nies jitilqu mir-​reliġjonijiet foloz

Aqra Rivelazzjoni 18:​4,a u mbagħad iddiskuti:

• Kif tħossok li Alla jrid jgħin lil kull min ġie effettwat mill-​gideb tar-​reliġjonijiet foloz?

7. Kompli tgħallem dwar l-​Alla l-​veru

L-​affarijiet ħżiena li jgħidu u jagħmlu r-​reliġjonijiet foloz, għandhom ibiddlu kif tħossok dwar Alla? Immaġina tifel li ma jridx jobdi lil missieru, jitlaq mid-​dar u jagħmel affarijiet ħżiena ħafna. Il-​missier ma jiħux pjaċir b’dak li jagħmel it-​tifel. Għala ma jkunx tajjeb li twaħħal fil-​missier għal dak kollu li għamel it-​tifel?

• Ikun tajjeb li twaħħal f’Ġeħova u tieqaf titgħallem dwaru minħabba dak li jagħmlu r-​reliġjonijiet foloz?

XI DDISKUTEJNA?

Ir-​reliġjonijiet foloz jigdbu dwar Alla b’dak li jgħallmu u l-​affarijiet ħżiena li jagħmlu. Alla se jeqred ir-​reliġjonijiet foloz.

X’Tgħallimt

• Kif tħossok dwar dak li jgħallmu u jagħmlu r-​reliġjonijiet foloz?

• Kif iħossu Ġeħova dwar ir-​reliġjonijiet foloz?

• Alla x’se jagħmel lir-​reliġjonijiet foloz?

ARA IŻJED

Sir af żewġ affarijiet li jagħmlu r-​reliġjonijiet u li ma jogħġbux lil Alla.

“Ir-​reliġjonijiet huma kollha l-​istess? Kollha jwasslu għand Alla?” (Artiklu fuq jw.org)

Ġeħova għala jridna naqduh m’oħrajn?

“Hemm bżonn li nkunu parti minn reliġjon organizzata?” (Artiklu fuq jw.org)

Saċerdot kien inkwetat bir-​reliġjon tiegħu. Imma dan ma żammux lura milli jitgħallem il-​verità dwar Alla.

“Għala saċerdot biddel ir-​reliġjon tiegħu” (Stenbaħ!, Marzu-​April 2015)

Għal mijiet taʼ snin, ir-​reliġjonijiet gidbu dwar Alla. Huma ġiegħlu n-​nies jemmnu li hu kattiv u ma jimpurtahx minna. Tgħallem il-​verità dwar tliet gideb.

“Gideb li Jġiegħlek Taħseb li Ma Tistax Tħobb lil Alla” (It-​Torri tal-​Għassa, 1 taʼ Novembru 2013)