Għanja 3
Niksbu Rebħa fuq id-Dinja
1. Hekk kif nimxu trijonfanti
Maʼ Jehovah imsaħħin,
Rebħiet kbar huwa jagħtina
Waqt li aħna magħqudin.
Mill-ġnus bosta jobogħduna
Għax inxandru x’Alla jrid.
Bil-fiduċja nkomplu nxandru
W nimmarċjaw b’ebda tregħid.
2. Ġewwa d-dinja l-inkwiet jikber:
It-tmiem żgur li qiegħed qrib.
‘Qawwi qalbek,’ qal il-Kristu,
‘Nieħu ħsiebek fit-tiġrib.’
Iva, żgur li niksbu r-rebħa;
Il-battalja tagħna mhix.
Hu Jehovah li jiġġieled:
Kontrieh l-għadu ma jreġix.
3. Fuq id-dinja għandna r-rebħa
B’fidi fi Kristu Ġesù.
Billi s-Saltna stabbilixxa
Lilna qed iħares hu.
Bħalma hu kkonkwista d-dinja,
Żgur li aħna nistgħu wkoll;
Jekk nafdaw f’Alla Jehovah,
Rebħa kbira niksbu lkoll.