Il-​Ħarġa Taʼ Stenbaħ! Bil-​Malti Kull Tliet Xhur

L-​ewwel ħarġa tal-​Golden Age kienet fl-​1 t’Ottubru, 1919. Din ir-​rivista għamlet lin-​nies konxji taʼ x’kien qiegħed jiġri fid-​dinja u wriet il-​vera soluzzjoni għall-​problemi taʼ l-​umanità. L-​isem tar-​rivista nbidel għal Consolation fis-​6 t’Ottubru, 1937 u dan kien wieħed xieraq meta tqis l-​oppressjoni li ħafna ġarrbu fis-​snin taʼ matul it-​Tieni Gwerra Dinjija. L-​ewwel ħarġa taʼ l-​Awake! kienet fit-​22 t’Awissu, 1946.

Stenbaħ! għala huwa ppubblikat? Dan qiegħed għat-​tidwil tal-​familja kollha. Juri kif wieħed ikampa mal-​problemi tal-​lum. Jirrapporta l-​aħbarijiet, jitkellem dwar nies f’bosta pajjiżi, jeżamina r-​reliġjon u x-​xjenza. Imma jagħmel iktar minn hekk. Dan iħaffer fil-​fond u jipponta lejn it-​tifsir veru wara ġrajjiet kurrenti, u madankollu jibqaʼ dejjem newtrali politikament u ma jgħollix razza ’l fuq minn oħra. L-​iktar importanti, din ir-​rivista tibni fiduċja fil-​wegħda tal-​Ħallieq għal dinja ġdida mimlija paċi u sigurtà li dalwaqt se tieħu post is-​sistema preżenti t’affarijiet li hija mill-​agħar u mingħajr liġi.

Huwa sinċerament ittamat li l-​ħarġa kull tliet xhur taʼ Stenbaħ! bil-​Malti se tkun mezz biex jiġu mgħejjunin ħafna wħud sinċieri f’Malta jisimgħu leħen Ġesù Kristu u jieħdu waqfa “fuq in-​naħa tal-​verità.”​—Ġwn. 18:37.

Kif nistgħu nagħmlu l-​iktar użu effettiv mill-​ħarġa kull tliet xhur taʼ Stenbaħ!? L-​ewwel irridu nkunu ċerti li naqraw kull rivista aħna stess. Imbagħad ċertament li nkunu rridu nqassmu dan l-​istrument ġdid f’kemm jistaʼ jkun postijiet. Waqt li naqraw id-​diversi artikli nistgħu forsi naħsbu dwar min jistaʼ jibbenefika minn dan il-​materjal f’waqtu, ħbieb, qraba, u oħrajn.

Kif nistgħu nippreparaw preżentazzjoni li tqanqal l-​interess fir-​rivisti? X’aktarx li tkun tistaʼ tiżviluppa preżentazzjoni effettiva billi timxi fuq dawn il-​punti bażiċi: (1) Agħżel xi artiklu fir-​rivisti li tħoss li se jappella lin-​nies. (2) Islet minn dan l-​artiklu xi stqarrija jew xi skrittura kkwotata li tħoss li se jqanqlu l-​interess tal-​persuna li magħha tkun qiegħed titkellem. (3) Ħejji preżentazzjoni qasira li tinkludi merħba dħulija, xi mistoqsija jew stqarrija li tenfasizza xi ħsieb Skritturali interessanti, u stedina sinċiera biex dak li jkun jaċċetta r-​rivista. Kif qiegħed tara, dan huwa pjuttost sempliċi u mhux ikkomplikat. Forsi tistaʼ tissieħeb maʼ pubblikatur ieħor u tħejju xi preżentazzjoni.

Huwa importanti għalik li jkollok provista suffiċjenti tar-​rivista. Jekk jogħġbok kun ċert li jkollok ordni regulari mal-​ħu inkarigat mir-​rivisti.

Aħna grati lejn Jehovah talli pprovdielna din l-​għajnuna imprezzabbli biex nużawha fil-​ministeru tagħna. Jalla Jehovah ikompli jberikkom hekk kif bl-​entużjażmu tużaw il-​ħarġa kull tliet xhur taʼ Stenbaħ! biex tgħinu lil dawk “disposti sewwa għall-​ħajja taʼ dejjem [biex isiru] jemmnu.”​—Atti 13:48.