Għanja 145

Stabru fit-​Tul

(1 Tessalonkin 5:14)

1. O liem’ eżempju Jehovah s-​Sultan

Tana fis-​sabar fit-​tul!

Hu issaporta tmaqdir ferm kotran

W xorta qatt ma kien mifxul.

Paċenzja wera maʼ Iżr’el fl-​antik

U mal-​bnedmin kullimkien.

Anki n-​“ngħaġ” b’sabru isibu t-​tberik

Għax paċenzjuż dejjem kien.

2. La hekk Jehovah mid-​dnub lilna jħoll

Billi wera sabar kbir,

Żgur li wkoll aħna li nħfirna ilkoll

Nuru sabar f’kull aġir.

L-​frott tal-​ispirtu jgħinna fl-​ippridkar

Biex il-​kliem joħroġ ħanin

U b’sabar kbir ngħidu n-​nies sew l-​aħbar,

Nuru li aħna ġwejdin.

3. Is-​sabar jgħinna nżommu l-​unità

U nsaħħu lkoll lil xulxin

Biex nibqgħu b’hekk dejjem fil-​verità,

Naqdu ’l Alla ferħanin.

L-​imħabba t’Alla u l-​għerf li hu pur

Jgħinuna nistabru sew.

Dal-virtujiet għandna bżonnhom fiż-​żgur

Biex għal dejjem nithennew.