Għanja 183
Post iż-Żgħażagħ fl-Arranġament t’Alla
1. Għal kulħadd hemm post fl-arranġament taʼ Alla;
Żgħar u kbar jistedinhom biex ifaħħruh.
Ir-rispons sabiħ taż-żgħażagħ jimpressjona
Hekk kif il-messaġġ tas-Saltna ixandruh.
Effettiva hija x-xiehda li qed jagħtu,
Edukati, nodfa u imħejjijin!
Għal Jehovah dawn iż-żgħar huma prezzjużi
U lill-kbar ukoll jagħmluhom ferħanin.
2. Mela żgħażagħ li sirtu tafu ’l Jehovah
Kemm se jkun il-jum taʼ ferħ, feliċità!
Aħsbu ftit x’hemm jistenniekom fil-ġejjieni
—Ġenna fl-art se tgawdu għall-eternità.
Sadattant ilkoll qed ngħixu taħt pressjoni
Minn did-dinja li dalwaqt ‘tilgħaq it-trab.’
Nistinkaw irridu lkoll biex żgur negħ’lbuha
W lealtà għas-Saltna nżommu bħala sħab.
3. Ħbieb tajbin fost nies minn taʼ Jehovah jsibu.
Għala jfittxu li tad-dinja jkunu ħbieb?
Jalla jkunu involuti f’kull ma jibni,
F’dak kollu li hemm miktub f’ta’ Alla l-Ktieb.
Fl-inkwiet huma jfittxu ’l dawk illi jħobbuhom
U jgħidulhom b’dak kollu li jinkwet’hom.
Biss l-aqwa Ħabib għalihom hu Jehovah;
Lilu jsibu illi jħenn u jifhimhom.
4. Ilkoll aħna tal-kongregazzjoni membri
Fejn Kristu Ġesù tagħna jserraħ ir-ras;
Mela lealment ej’ nieħdu postna miegħu;
Il-pariri li hu joffri nagħtu kas.
Qatt ma nħallu d-dinja li f’morsa tagħsarna;
Minn Jehovah, b’Kelmtu, nkunu imnaddfin,
U flimkien, kemm kbar u żgħar, ilkoll leali,
Infaħħruh, u hekk għal dejjem ferħanin.