Għanja 150

Il-​Ħobż mis-​Sema

(Ġwann 6:51)

1. Missierna l’ int fis-​sema,

Għal żmien indefinit l-​istess,

Bil-​ferħ tifħir ngħannulek,

Inqanqlu f’ismek interess.

Bħal Ragħ’j li jaf jindokra,

Kemm fedelment mexxejt

Lill-​poplu antik tiegħek;

Manna, bħall-​ħobż, ħejjejt.

Int qtajt l-​għatx tagħhom bl-​ilma,

Li gelgel xmara minn ġol-​blat;

F’art Kangħan int daħħalthom,

Bħal merħla hienja fil-​mergħat.

2. Il-​manna li int tajthom

Tat stampa taʼ Ibnek maħbub,

Li ħalla l-​post fis-​sema

Biex jiġi jeħlisna mid-​dnub.

Huwa il-​ħobż mis-​sema;

Lil laħmu b’xejn ċedieh

B’sagrifiċċju għalina

Biex id-​dnub ineħħieh.

Bil-​fidi ejjew nieklu

Mill-​ħobż li Alla jagħti biss;

Kuljum nieklu lkoll minnu

Biex ngħixu sewwa w kif imiss.

3. L-​għarfien tal-​ħobż mis-​sema

Lil nies bil-​ġuħ qatt ma niċħduh;

Imma f’kull okkażjoni

Nitimgħu bih lil “ngħaġ” bil-​ġuħ.

Ngħinuhom fit-​tfittxija

Biex ’l Alla isibuh

U jiksbu s-​salvazzjoni

W b’hekk ’l Alla iberkuh.

Imbagħ’d wara l-​battalja,

Met’ Armageddon tkun għaddiet,

Ngħannu tifħir għal dejjem

Lil Alla għal daqstant barkiet.