Xandar biż-​żelu l-​verità dwar Ġesù

Iż-​żelu tagħna jikber meta nkunu nafu li qed naqsmu l-​verità dwar Ġesù m’oħrajn. Ġesù hu l-​ġebla tax-​xewka tal-​pedament, jiġifieri l-​bażi, li fuqha l-​fidi vera hi mibnija. (Efes. 2:20) Mingħajru, ma jkollniex tama taʼ salvazzjoni. (Atti 4:12) Għaldaqstant, hu importanti li lkoll kemm aħna nagħrfu x’inhu l-​irwol taʼ Ġesù fl-​iskop t’Alla. Ħafna tqarrqu minn duttrini mhux Skritturali. B’dispjaċir, għandhom mnejn ma jirċivux il-​barkiet li Alla wiegħed lil dawk li jeżerċitaw fidi f’Ġesù. Iż-​żelu għall-​verità se jqanqalna ngħinu lil uħud taʼ qalb onesta jiksbu fehma korretta dwar Ġesù, il-​pożizzjoni tiegħu meta mqabbla maʼ t’Alla, u l-​irwol tiegħu fl-​iskop t’Alla. Matul dan l-​istaġun tat-​Tifkira, se xxandar biż-​żelu l-​verità dwar Ġesù?