Għanja 134
Immaġinak Meta Kollox Ikun Ġdid
1. Quddiem għajnejk lilna lkoll ġib;
Ngħixu flimkien f’art fejn kollox hu ġdid.
Aħseb x’se tħoss u kif se jkun
Li tgħix f’ħelsien u fis-sliem kuljum.
Bnedmin mill-agħar mhux se jkun hemm;
Il-ħakma t’Alla qatt ma tintemm.
Żmien taʼ bidu ġdid din l-art se jkollha żgur,
Il-kant taʼ tifħir mill-qalb joħroġ b’tant fervur:
(KOR)
“Ġeħova grandjuż, O kemm wettaqt ġid!
Bil-ħakma t’Ibnek sar kollox mill-ġdid.
Il-ferħ li hu fil-qalb, fl-għanja tagħna ifur;
Jixraqlek il-glorja, t-tifħir, u kull unur.”
2. Ħares ftit lejk u lejja wkoll;
Fid-dinja l-ġdida arana ilkoll.
Ma tara xejn jew tismaʼ ’l ħadd
Li se jbeżżagħna għax dan hu fatt.
Kollox bl-eżatt, perfett inġieb;
Lill-bniedem minn qalbu jieħu ħsieb.
Hu issa se jagħti n-nifs lura ’l-mejtin;
U fl-għanja jingħaqdu għax grati li ħajjin:
(KOR)
“Ġeħova grandjuż, O kemm wettaqt ġid!
Bil-ħakma t’Ibnek sar kollox mill-ġdid.
Il-ferħ li hu fil-qalb, fl-għanja tagħna ifur;
Jixraqlek il-glorja, t-tifħir, u kull unur.”
(Ara wkoll Salm 37:10, 11; Is. 65:17; Ġw. 5:28; 2 Pt. 3:13.)