Jinstab Dak li Kien Mitluf

Is-​sena l-​oħra, f’Maryland, l-​Istati Uniti, wieħed raġel irrifjuta bil-​pulit ir-​rivisti tat-​Torri taʼ l-​Għassa u Stenbaħ! Madankollu, it-​tifla tiegħu staqsietu jekk setgħetx tiħodhom hi, u hu qalilha li tistaʼ. It-​tnejn li huma kienu qegħdin inaddfu l-​karozza u jarmu l-​imbarazz ġo tank taʼ l-​iskart li kien hemm fil-​qrib. Billi x-​Xhud li kien offra r-​rivisti beda jinkwieta li dawn kienu se jarmuhom, hu ddeċieda li jmur lura iktar tard u jiċċekkja fit-​tank taʼ l-​iskart.

Ir-rivisti ma kinux hemm, imma kien hemm basket u portmoni. Minnufih saret żjara lill-​mara li kienet toqgħod fl-​indirizz li kien hemm fil-​portmoni. X’ħin iż-​żewġ Xhieda li marru jżuruha waslu fejn toqgħod, raw mara taʼ mezz-età miexja b’żiemel lejn l-​istalla. Meta tawha l-​affarijiet, il-​mara għajtet bil-​ferħ: “Niżżi ħajr lil Alla, l-​affarijiet importanti qegħdin hawn—il-​passaport tiegħi, il-​ktieb taċ-​ċekkijiet, il-​credit cards, u d-​dokumenti rigward iż-​żiemel.” Hi qaltilhom li l-​affarijiet kienu nsterqu l-​lejl taʼ qabel. Kien imnalla li xi ħadd iċċekkja t-​tank taʼ l-​iskart, peress li dan kien wasal biex jitbattal.

Il-mara riedet tagħtihom rigal, imma minflok m’aċċettawh, il-​koppja li rritornawlha l-​basket u l-​portmoni tawha l-​browxer Alla X’Jirrikjedi Minna? Biex turi l-​apprezzament tagħha, il-​mara kitbet ċekk sabiex jintuża għal iktar tqassim madwar id-​dinja taʼ din il-​letteratura bbażata mill-​Bibbja. U minn dakinhar ’l hawn, hi ħadet interess kbir f’li tistudja l-​Bibbja.

Jekk tixtieq tirċievi kopja b’xejn tal-​browxer taʼ 32 paġna Alla X’Jirrikjedi Minna?, imla l-​kupun t’hawn taħt u impostah fl-​indirizz provdut fuq il-​kupun jew f’indirizz addattat imniżżel f’paġna 5 taʼ din ir-​rivista.

◻ Ibagħtuli kopja tal-​browxer Alla X’Jirrikjedi Minna?

◻ Jekk jogħġobkom ikkuntattjawni rigward studju tal-​Bibbja fid-​dar bla ħlas.