“Ma Nistax Nitlaqhom minn Idejja r-​Rivisti Tagħkom”

Fl-​uffiċċju tal-​fergħa tal-​Watch Tower Society fil-​Ġermanja, waslet ittra li parti minnha kienet tgħid hekk:

“Irrid nammetti li ma nistax nitlaqhom minn idejja r-​rivisti tagħkom. Kull sena tiġrili l-​istess storja. Ftit qabel ma nkun sejra għal btala, inħobb inwarrab l-​aħħar żewġ ħarġiet biex imbagħad noqgħod naqrahom ħdejn xatt il-​baħar. Id-​deċiżjoni nkun ħadtha kieku!

“Imma l-​inkwiet jibda malli dawn jiġu f’idejja. U x’fiha billi nara t-​titli taʼ l-​artikli? X’gost, hemm esperjenza! U iva, billi naqra lilha biss—l-​oħrajn inħallihom. Imma l-​artiklu taʼ wara jidher interessanti ħafna. Imma issa daqshekk! Wara kollox ir-​rivisti warrabthom biex noqgħod naqrahom waqt il-​btala. U ejja, artiklu ieħor biss. U l-​artikli “Ħarsa Lejn id-​Dinja” dejjem ikun fihom x’titgħallem! Fl-​aħħar, bħalma tistgħu timmaġinaw, lanqas artiklu wieħed ma jkun fadalli x’naqra sakemm nasal sa xatt il-​baħar.”

Stenbaħ! hija rivista li tingħoġob ħafna min-​nies. Dan jidher mill-​fatt li għal kull ħarġa jiġu stampati madwar 20,300,000 kopja fi 82 lingwa. Il-​qarrejja jieħdu pjaċir bl-​artikli pożittivi. F’kull ħarġa tidher parti “Għala Stenbaħ! Huwa Pubblikat.” Hemm jiġi spjegat li “din ir-​rivista tibni fiduċja fil-​wegħda tal-​Ħallieq għal dinja ġdida mimlija paċi u sigurtà.”

Madankollu, ħafna jistaqsu, ‘Alla għala ilu dan iż-​żmien kollu jippermetti s-​sofferenza?’ It-​tweġiba għal din il-​mistoqsija tinsab fil-​browxer Veru li Alla Jimpurtah Minna? Int tistaʼ titlob kopja billi timla l-​kupun t’hawn taħt u tibagħtu fl-​indirizz provdut fuq il-​kupun jew f’indirizz addattat imniżżel f’paġna 5 taʼ din ir-​rivista.

□ Ibagħtuli kopja tal-​browxer Veru li Alla Jimpurtah Minna?

□ Jekk jogħġobkom ikkuntattjawni rigward studju tal-​Bibbja fid-​dar bla ħlas.