Żjara fil-​Kosta Rika

ĦAMES sekli ilu, l-​Ispanjoli żaru dan il-​post għall-​ewwel darba. Huma sejħulu l-​Kosta Rika (il-​Kosta r-​Rikka), billi ħasbu li hemmhekk kienu se jsibu abbundanza taʼ deheb—tfittxija li kienet fiergħa. Illum, din l-​art hi magħrufa bħala waħda fost dawk li għandhom bijodiversità l-​iktar rikka fid-​dinja u mhux bħala sors taʼ metalli taʼ valur.

In-​nies tal-​Kosta Rika huma magħrufin bħala Ticos, kelma li tiġi mill-​użanza tagħhom f’li jżidu “-​ico” fit-​tarf taʼ xi kliem biex jifformaw id-​diminuttiv. Pereżempju, minflok ma jgħidu “un momento” (stenna mument), għandhom mnejn jgħidu “un momentico” (stenna mument żgħir). Fit-​taħdit taʼ kuljum spiss jgħidu “¡pura vida!” (ħajja pura!) biex jesprimu l-​apprezzament tagħhom jew biex jaqblu maʼ dak li jkun jew inkella biex jgħidu “hello” jew “ċaw.”

Wieħed mill-​iktar platti favoriti tal-​Kosta Rika hu l-​gallo pinto (li letteralment tfisser “serduq ittikkjat”)—ross u fażola msajrin separatament u mbagħad flimkien mal-​ħwawar. Il-​gallo pinto jistaʼ jiġi servut għall-​kolazzjon, għall-​ikla taʼ nofsinhar, jew għal dik taʼ filgħaxija. Ix-​xarba tradizzjonali hi l-​café chorreado—misħun li jgħaddi minn passatur tad-​drapp bil-​kafè ġo fih li jkun imdendel ġo stand tal-​injam.

Hemm xi 450 kongregazzjoni tax-​Xhieda taʼ Ġeħova fil-​Kosta Rika. Il-​laqgħat tagħhom isiru b’10 lingwi, inkluż il-​Lingwa tas-​Sinjali tal-​Kosta Rika u żewġ lingwi indiġeni tal-​Kosta Rika—il-​Bribri u l-​Cabecar.