Muwatekanya

Vino Yesu Wacisile

VIDYO: E Yesu Atekanizizye Umuzuna Wakwe Pano Akumwavwa

1. Tambani e VIDYO, nanti wazyani Yohani 7:3-5 ne 1 Wakorinte 15:3, 4, 7. Apano mwasuke amawuzyo yano yakonkapo:

1. Uzye awazuna wa kwe Yesu wateyelezizye kwi lyasi lizima pa kutalika?

2. Acani cino cikulanjizya ukuti e Yesu watekanizizye e Jemusi?

Avyani Vino Tukusambililako kwe Yesu?

2. Tuzipizile ukutekanya, amuno wamwi wasizumila papo na papo ukwivwa kwi lyasi lizima.

Mwakolanya Yesu

3. Mwawomvya inzila izilekane lekane. Nga cakuti wumwi asa kulonda ukusambilila e Baibolo, mutamupaticizya. Lelo nga cingacitika, mwawomvya ama vidyo nanti ivipande pa kumwavwa ukumanya vino vikacitika pi sambililo lye Baibolo, ni vizima vino alizanamo.

4. Mutawalinganya kwe wanji. Cila muntu wapusanako ku muwuye. Nga cakuti e lupwa nanti wino mwanyocelako ku cipempu asakulonda ukutalika ukusambilila Baibolo nanti akukana ukuzumila vino Baibolo yikasambilizya, mwakwelezya na maka ukumanya cino cikulenga. Mwayikolowozya ukuti, Uzye kuli vino wazumilamo vino akulola ukuti vyacindama nkaninye kwe weliwe? Uzye walupwa nanti awina mupalamano wangalanga wakamuseka? Mwaleka awakwatako impindi ya kwelenganya pe vino mukulanzyanya na pa wucindami we vino Baibolo yikalanda.

5. Mwapepelako wano wakuvwambisya ukwivwa. Mwalenga kwe Yehova ukuti awamyavwa ukutwalilila ukuwa ni suwilo nu kuwa awacenjele. Mwapepa nu kuti e Yehova awamyavwa ukwiluka pa kuti mumanye impindi yino mungaleka ukutandalila wino asilonda ukwivwa.​—1 Kor. 9:26