Wakuwizya mupipi ne Monrovia mu Liberia

Ivya Kulanzyanya

●○○ UMUKU WA KUTALICILA

Iwuzyo: Uzye e Baibolo yicili yikawomba?

Iwaliko: 2 Tim. 3:16

Cino Mulilandapo: Uzye avyani vino vyawa mu Baibolo?

○●○ ICIPEMPU CA KUTALICILA

Iwuzyo: Uzye avyani vino vyawa mu Baibolo?

Iwaliko: Mat. 6:10

Cino Mulilandapo: Uzye avyani vino Uwufumu wa kwe Leza wulicita?

○○● ICIPEMPU CA CITI WILI

Iwuzyo: Uzye avyani vino Uwufumu wa kwe Leza wulicita?

Iwaliko: Dan. 2:44

Cino Mulilandapo: Uzye insi yiliwa wuli?

Ukutalika mwe wo-o umwezi, mu Kalibuku ka Mikaliile mutandi mwawa ivya kulanda pa kuwizya, lelo mwandi mwawa ivya kulanzyanya muno muli iwuzyo lya kutalicila, iwaliko, ni wuzyo lino mulilandapo pano mulinyocela pa kuti ciwapepuka ukupanga icipempu. Twandi twatamba vye vidyo yonga cila sabata pa vya kulanzyanya. E kawizya wenga na wenga angasolapo ibuku lya kutalika ukulanzyanya nu muntu pa muku wakutalicila nanti pa kupanga icipempu ca kunyocelamo ukufuma pa mabuku yitu yano tukawomvya pa kusambilila na wantu. Ukulunda pe coco, mu kalibuku muli ivipempu viwili vino vikutulanjizya vino twandi twacita. Ukucita wo-o, kwandi kwatwavwa ukuwika amano ku kusambilizya “wonsinye wano wali nu mwezo uwuzima uwakuwa nu wumi wa muyayaya.”—Imili. 13:48.

Amalyasi ya Wasambilizi: Awasambilizi wazipizile ukulanjilila ivya kulanzyanya, suka vye nga kuli vinji vino walanjilizile.