Ivyakuwomvya e Broshuwa Yakuti Ivwilanji E Leza

E broshuwa yakuti Ivwilanji e Leza, yalembezilwe ukwavwa wano wakasyupikwa ukuwazya ukumanya amasambililo yakutalicilako aya mu Baibolo ukuwomvya ivikope. Cila lisambililo lyakwata ivikope ivizima vino vikakwata tuno tukalanjilila ukufuma kucikope conga ukuya ku ciwuye.

E broshuwa yakuti Ivwilanji E Leza nu Kwikala Umuyayaya yakwata ivikope ivili vyonganye ni vyamwe broshuwa yakuti Ivwilanji E Leza. Lelo yeni yakwata ivyewo ivivule, swinya tungayiwomvya ukusambilizya wano watamanya nkani ukuwazya. Wakawizya wakasolapo ukuwomvya e broshuwa yakuti Ivwilanji E Leza nu Kwikala Umuyayaya pakusambilizya, ciwe lyo umusambilizi weni akuwomvya e broshuwa yakuti Ivwilanji E Leza. Amasambililo yamwi mwe yo-o e broshuwa yakwata ivyewo mu kambokosi ivyakulanzyanya nu musambilizi ukulingana nu wumanyilo wakwe.

Ya-a amabroshuwa yangasyalikwa impindi iyili yonsinye nanti acakuti asayano tukusyalika mwewowo umwezi. Pano mukutungulula isambililo lye Baibolo, mwawomvya ivikope ukulondolola amalyasi ya mu Baibolo. Mwamukolowozya amawuzyo pakumwavwa ukwivwicisya vino akusambilila. Mwawazya amawaliko yano yali pansilo yifwa nu kulanzyanya. Nga mwamala ukusambilila mwe broshuwa, mungatalika ukusambilila mwi buku lyakuti Bushe Cinshi Baibolo Isambilisha? pakuti mumwavwe ukulunduluka ukufika ku kubatizwa