Va̱ʼa ndataku na̱ yiví xa̱ʼa ña̱ ki̱xi ta̱ Jesús ni̱xi̱ʼi̱ra xa̱ʼayó

Tá xáʼa̱nyó Conmemoración saá kúú ña̱ va̱ʼaní ndakanixi̱níyó xa̱ʼa ndiʼi ña̱ʼa va̱ʼa ña̱ ni̱ʼi̱yó xa̱ʼa ña̱ ki̱xi ta̱ Jesús ni̱xi̱ʼi̱ra xa̱ʼayó. Tá kúú ña̱ ndataku na̱ ni̱xi̱ʼi̱. Jehová nda̱a̱ ni iin yichi̱ kǒo níkuni̱ra kuviyó. Ña̱kán kúsuchíní-iniyó tá xíʼi̱ iin na̱ táʼanyó nu̱úyó (1Co 15:26). Ta̱ Jesús ku̱suchíní-inira tá xi̱nira xáku na̱ discípulora xa̱ʼa ta̱ Lazaro (Jn 11:33-35). Ta̱ Jesús táki̱ʼva íyo yivára saá íyora, ña̱kán va̱ʼa kúnda̱a̱-iniyó Jehová kúsuchíní-inira xíʼinyó tá xínira xákuyó xa̱ʼa na̱ táʼanyó na̱ ni̱xi̱ʼi̱ (Jn 14:7). Jehová kúni̱níra ña̱ ná kixa̱a̱ ki̱vi̱ ña̱ sandátakura na̱ xi̱ndasakáʼnu-ñaʼá xíʼin ndiʼi inina, ta saátu miíyó kúni̱yó kixa̱a̱ ki̱vi̱ kán (Job 14:14, 15).

Jehová yiku̱nní tíinra chiñu, ña̱kán tá ná ndataku na̱ ni̱xi̱ʼi̱ su̱ví inkáchi ndataku ndiʼina (1Co 14:33, 40). Su̱ví nu̱ú ndúxunka na̱ yiví ku̱ʼu̱nyó kuakuyó, chi ndáa kundatunyó ña̱ ndakiʼinyó na̱ ndatakuva. Tá xíʼi̱ iinna, ¿á tává loʼún tiempo ña̱ ndakanixi̱níún xa̱ʼa ña̱yóʼo? (2Co 4:17, 18). ¿Á táxiún tixaʼvi ndaʼa̱ Jehová xa̱ʼa ña̱ ta̱xira se̱ʼera ni̱xi̱ʼi̱ xa̱ʼayó xíʼin xa̱ʼa ña̱ káʼa̱nra xíʼinyó nu̱ú Biblia ña̱ ndataku na̱ ni̱xi̱ʼi̱? (Col 3:15).

• ¿Ndáa na̱ táʼún á migoún kúni̱ún kuniún ndataku?

• ¿Ndáa na̱ va̱xi nu̱ú Biblia kútóún kuniún á natúʼún xíʼin?