“Ná ku̱ʼu̱nyó chí yuku̱ nu̱ú íyo Jehová”

“Tá ki̱vi̱ nu̱ú ndíʼi”

Ña̱ tiempo ndóoyó vitin.

“Yuku̱ nu̱ú níndichi veʼe Jehová”

Yóʼo kúú nu̱ú ndásakáʼnuyóra.

“Ndiʼi na̱ ñuu xa̱a̱ nu̱úña”

Na̱ ndásakáʼnu Jehová va̱ʼaní ítáʼanna.

“Xaandó ná ku̱ʼu̱nyó chí yuku̱ nu̱ú íyo Jehová”

Na̱ ndixa ndásakáʼnu Jehová káʼa̱nna xíʼin inkana ña̱ ná ndakutáʼanna xíʼinna ña̱ ndasakáʼnunara.

“Va̱ʼa sanáʼa̱ra miíyó yichi̱ra ta kakayó yichi̱ra”

Jehová sánáʼa̱ra miíyó xíʼin tu̱ʼunra ña̱ va̱ʼa keʼéyó ña̱ káʼa̱nra.

“Kǒoka guerra koo”

Ta̱ Isaías ni̱ka̱ʼa̱nra ka̱a ña̱ xíniñúʼuna kánitáʼanna nduuña ka̱a ña̱ kachíñuna, xíʼin tu̱ʼun yóʼo ni̱na̱ʼa̱ra ña̱ va̱ʼaní kutáʼan na̱ ñuu Ndióxi̱. ¿Ndáa ña̱ʼa kúú ña̱ ni̱ka̱ʼa̱n ta̱ Isaías xa̱ʼa?

“Espada ña̱ kánitáʼanna ya̱ta̱ táʼvívana nduuña”

1 Ña̱ ya̱ta̱ yóʼo kúú ña̱ xi̱xiniñúʼuna tá xi̱taʼvína ñuʼú. Savaña ña̱ ka̱a xi̱kuuña (1Sa 13:20).

“Lanza ka̱ana nduuña ña̱ xáʼnda yitu̱n”

2 Tá ya̱chi̱ xi̱xiniñúʼuna iin ka̱a ña̱ xi̱ínní nu̱ú, ta xi̱ndika̱a̱ña nu̱ú iin yitu̱n. Xi̱xiniñúʼunaña ña̱ xi̱xaʼndana uva (Isa 18:5).