ÑA̱ KÉʼÉYÓ NA̱ TESTIGO
Sakuaʼaka ña̱ va̱ʼa sanáʼa̱kaún: ná kuniñúʼuyó ña̱ libro “Manténganse en el amor de Dios” ña̱ va̱ʼa xa̱a̱yó níma̱ na̱ yiví
¿NDA̱CHUN KUNIÑÚʼUYÓÑA? Na̱ yiví xíniñúʼu sakuaʼana xa̱ʼa Jehová ta keʼéna ña̱ káʼa̱nra, saá kusi̱í-inira xíʼinna (Isa 2:3, 4). Ña̱ libro “Amor de Dios” kúú libro u̱vi̱ ña̱ káʼviyó xíʼin na̱ yiví, chíndeéñana ña̱ keʼéna ña̱ kúni̱ra ndiʼi ki̱vi̱ (Heb 5:14). Xíniñúʼu chika̱a̱yó ndée ña̱ va̱ʼa xa̱a̱yó níma̱ na̱ káʼviyó xíʼin, ña̱kán va̱ʼa nasamana miína xíʼin ndinuʼu-inina (Ro 6:17).
¿NDÁA KI̱ʼVA KEʼÉYÓÑA?
Xa̱a̱ kaʼvi kúeún. Koto va̱ʼún ndáaña xíniñúʼuna. Nda̱ka̱tu̱ʼunna xa̱ʼa ña̱ káʼvindó ña̱kán va̱ʼa kunda̱a̱-iniún ndáaña ndákanixi̱nína á ndáaña ndóʼona (Pr 20:5; be-S pág. 259).
Kuniñúʼu recuadro xíʼinna ña̱ va̱ʼa ná kunda̱a̱-inina ndáa ki̱ʼva chindeéñana ña̱ keʼéna ña̱ káʼa̱n Ndióxi̱.
Chindeéna ña̱ va̱ʼa ná sakuaʼana ndakanixi̱nína ndáaña kúú ña̱ va̱ʼa ta ndáaña kúú ña̱ va̱ása va̱ʼa, soo kǒo ka̱ʼún xíʼinna ndáaña keʼéna (Gál 6:5).
Koto va̱ʼún ndáaña kúú ña̱ xíniñúʼuna ña̱ va̱ʼa keʼéna ña̱ káʼa̱n tu̱ʼun Ndióxi̱ ta chindeé táʼan xíʼinna. Vií ka̱ʼún xíʼinna, tá kúʼvi̱-inina xínina Jehová ná nasamana miína (Pr 27:11; Jn 14:31).