¿Nda̱chi ni̱xi̱yo ña̱ xi̱tiaku na̱ yiví na̱ xi̱ndoo nu̱ú Ñuʼú luvi?

Jehová ku̱a̱ʼání ña̱ va̱ʼa ta̱xira ndaʼá ta̱ Adán xíʼin ñá Eva (Génesis 1:28)

Jehová i̱xava̱ʼara ñá síʼi ta̱ Adán, ñáyóʼo xi̱naníñá Eva (Génesis 2:21, 22).

Jehová va̱ʼaní i̱xava̱ʼara na, chi kǒó ku̱a̱chi níxikuu miína.

Veʼena ni̱xi̱yoña nu̱ú Ñuʼú luvi, nu̱ú ña̱yóʼo ni̱xi̱yo ku̱a̱ʼá ti̱kuíi, ni̱xi̱yo yitún táxi kui̱ʼi, ta saátu ku̱a̱ʼání nu̱ú kití ni̱xi̱yo.

Jehová ni̱ka̱ʼa̱níra xíʼin na, ta saátu ku̱a̱ʼá ña̱ʼa sa̱náʼa̱ra na, átu níxiniso̱ʼona ña̱ ni̱ka̱ʼa̱nra, kutiakuna nu̱ú Ñuʼú luvi ndisaá tíempo.

Ndióxi̱ ni̱ka̱ʼa̱nra xíʼin na, ña̱ va̱ása kaxina kui̱ʼi ña̱ íyo ndaʼá iin yitún (Génesis 2:16, 17)

Iin ángel, ni̱ya̱ʼandosóra tu̱ʼun Ndióxi̱. Ra̱ ángel yóʼo naníra Diablo á ta̱ Ndiva̱ʼa.

Jehová ni̱na̱ʼa̱ra nu̱ú ta̱ Adán xíʼin ñá Eva iin yitún ni̱xi̱yo nu̱ú xi̱ndoona, ta ni̱ka̱ʼa̱nra xíʼina átu ná kaxina kui̱ʼi ndaʼánú, saára kuvina.

Va̱ása níku̱ni ta̱ Ndiva̱ʼa ña̱ ná kandixa ta̱ Adán xíʼin ñá Eva tu̱ʼun Jehová. Ña̱kán xi̱niñúʼura iin ko̱o̱, ña̱ ni̱ka̱ʼa̱nrí xíʼin ñá Eva, átu ná kaxiñá kui̱ʼi kán va̱ása kuviñá, nduuñá ndi̱a̱ tá íyo Ndióxi̱, ndí ña̱ vatá kúú ña̱ ni̱ka̱ʼa̱nrí (Génesis 3:1-5).