TÁʼVI 4

¿Ndíá ña̱ ndo̱ʼona xa̱ʼá ña̱ xi̱niso̱ʼona ña̱ ni̱ka̱ʼa̱n ta̱ Ndiva̱ʼa?

Ta̱ Adán xíʼin ñá Eva va̱ása níxiniso̱ʼona ña̱ ni̱ka̱ʼa̱n Ndióxi̱ ña̱kán ni̱xi̱ʼi̱na (Génesis 3:6, 23)

Ñá Eva xa̱xíñá fruta ña̱ ni̱ka̱ʼa̱n Ndióxi̱ kǒo kaxina ta ta̱xiñáña ndaʼa̱ ta̱ Adán

Ñá Eva xi̱niso̱ʼoñá ña̱ ni̱ka̱ʼa̱n tí ko̱o̱, ta xa̱xiñá kui̱ʼi. Tá ndi̱ʼi ta̱xiñá kui̱ʼi ndaʼá ta̱ Adán, ta saátu ra̱yóʼo xa̱xira ña.

Ña̱ ke̱ʼé na̱yóʼo va̱ása va̱ʼaña, xa̱ʼá ña̱yóʼo ni̱ki̱ʼvina ku̱a̱chi. Ndióxi̱ ta̱vara na nu̱ú Ñuʼú luvi.

Ta̱ Adán xíʼin ñá Eva ku̱chéena ta ni̱xi̱ʼi̱na

Xa̱ʼá ña̱kán yo̱ʼvi̱ní ni̱xi̱yoña nu̱úna xíʼin se̱ʼena. Ta saá ku̱xikua̱ʼána ta ni̱xi̱ʼi̱na. Va̱ása kua̱ʼa̱na chí ñuu na̱ ndi̱i, chi xa̱ ndi̱ʼi-xa̱ʼána.

Na̱ xa̱ ni̱xi̱ʼi̱ ndi̱a̱ tá íyo ñuʼú á yáká saá íyo na, chi va̱ása tiákukana (Génesis 3:19)

Xa̱a̱ síín tiempo ni̱xi̱yo iin iinna ta xa̱a̱ síín ñuu iin iinna

Xíʼi̱yó vitin chi ta̱ Adán xíʼin ñá Eva sa̱yâʼana ku̱a̱chi ndaʼáyó. Na̱ xa̱ ni̱xi̱ʼi̱ kǔví kuniso̱ʼona, ni kǔví kotona, ni kǔví keʼékana ndi̱a̱ ni iin ña̱ʼa (Eclesiastés 9:5, 10).

Ni̱xi̱ʼi̱ iin ñá loʼo ta xákuní na̱ veʼeñá xa̱ʼañá

Jehová va̱ása níku̱nira kuvi na̱ yiví. Xa̱ va̱xi ki̱ví sandatiakura na̱ ni̱xi̱ʼi̱. Na̱ ndatiaku yóʼo, átu ná kuniso̱ʼona ña̱ káʼa̱n Ndióxi̱ kuvi kutiakuna ndisaá tíempo.