NDIKÓ NU̱ÚNA
LECCIÓN 7
Kǒo sandákoún ña̱ ku̱’ún nu̱úna
Ña̱ káʼa̱n tu̱ʼun Ndióxi̱: “Kǒo nísandákoona ña̱ sanáʼa̱na ni ña̱ natúʼunna tu̱ʼun va̱ʼa” (Hech. 5:42).
Ña̱ ke̱ʼé ta̱ Pablo
1. Koto VIDEO á kaʼvi Hechos 19:8-10. Tándi̱ʼi, ndakanixi̱ní xa̱ʼa̱ pregunta ña̱ va̱xi yóʼo:
Ni ni̱xi̱yo na̱ yiví na̱ va̱ása níxi̱kuni̱ kuniso̱ʼo ña̱ xi̱natúʼun ta̱ Pablo, ¿ndáaña chi̱ndeétáʼan xíʼinra ña̱ kǒo nísandákoora ña̱ natúʼunra xa̱ʼa̱ Ndióxi̱?
¿Nda̱saa yichi̱ na̱túʼun ta̱ Pablo xíʼin na̱ yiví na̱ xi̱kuni̱ kunda̱a̱-ini xa̱ʼa̱ Ndióxi̱? Ta, ¿nda̱saa tiempo ke̱ʼéraña?
¿Ndáaña sákuaʼayó xíʼin ña̱ ke̱ʼé ta̱ Pablo?
2. Xíniñúʼu taváún tiempo ña̱ ndikóún nu̱ú na̱ yiví ña̱ va̱ʼa kixáʼún kaʼviún xíʼinna.
Keʼé táki̱ʼva ke̱ʼé ta̱ Pablo
3. Ndikó nu̱úna hora ña̱ kúnaʼa miína. Ndakanixi̱ní xa̱ʼa̱ ña̱yóʼo: “¿Ama kúú ña̱ kúúmiína tiempo ña̱ va̱ʼa natúʼi̱n xíʼinna? Ta, ¿ndáa lugar kúni̱na ña̱ kuni-táʼi̱n xíʼinna tasaá natúʼi̱n xíʼinna xa̱ʼa̱ Ndióxi̱?”. Ni sava yichi̱ kivi ixayo̱ʼvi̱ña xíʼún, soo chika̱a̱ ndee̱ ña̱ ndikóún nu̱úna hora ña̱ kúnaʼa miína.
4. Nda̱ka̱tu̱ʼúnna ama kúni̱na ndikóún nu̱úna ña̱ va̱ʼa natúʼunkaún xíʼinna. Tá kúma̱níka sandíʼún natúʼún xíʼinna, ka̱ʼa̱n xíʼinna ndáa ki̱vi̱ ta ndáa hora ndikó tukún nu̱úna. Chika̱a̱ ndee̱ ña̱ ndikoún nu̱úna.
5. Kǒo ndakava-iniún. Tá xáʼún veʼena ta kǒona ndáni̱ʼún á tá xítoún ña̱ íyoní chiñu nu̱úna, kǒo ndakanixi̱níún ña̱ va̱ása kúni̱na kuniso̱ʼona yóʼó (1 Cor. 13:4, 7). Kǒo sandákoún ña̱ nandukún na̱ yiví, soo saátu viíní kuniñúʼún tiempo ña̱ kúúmiíún (1 Cor. 9:26).