Kiʼin kuenta xíʼin ña̱ ndóʼona

Ña̱ ke̱ʼé ta̱ Jesús

VIDEO: Tá xi̱ni ta̱ Jesús ku̱a̱ʼání na̱ yiví ku̱ndáʼvi-inira xi̱nirana

1. Koto VIDEO á kaʼvi Marcos 6:​30-34. Tándi̱ʼi, ndakanixi̱ní xa̱ʼa̱ pregunta ña̱ va̱xi yóʼo:

1. ¿Nda̱chun xi̱kuni̱ ta̱ Jesús xíʼin na̱ apóstolra ku̱ʼu̱nna nu̱ú kǒo na̱ yiví?

2. ¿Ndáaña chi̱ndeétáʼan xíʼin ta̱ Jesús ña̱ na̱túʼunra xíʼin ku̱a̱ʼání na̱ yiví?

¿Ndáaña sákuaʼayó xíʼin ña̱ ke̱ʼé ta̱ Jesús?

2. Kǒo nátúʼun kuitíyó xíʼin na̱ yiví xa̱ʼa̱ Ndióxi̱, chi saátu ndíʼi̱-iniyó xa̱ʼa̱na.

Keʼé táki̱ʼva ke̱ʼé ta̱ Jesús

3. Va̱ʼaní kuniso̱ʼún tá káʼa̱nna xíʼún. Kǒo ka̱ʼnún tu̱ʼunna tá káʼa̱nna xíʼún. Tá kǒo xíínna kuniso̱ʼona, á tá nátúʼunna xíʼún xa̱ʼa̱ ña̱ ndóʼona, á ña̱ sándi̱ʼi̱-inina vií va̱ʼa kuniso̱ʼún ña̱ káʼa̱nna. Tá kéʼún ña̱yóʼo na̱ yiví kiʼinna kuenta ña̱ kúnda̱a̱-iniún xíʼin ña̱ ndóʼona ta ndixa ndíʼi̱-iniún xa̱ʼa̱na.

4. Ndakanixi̱ní xa̱ʼa̱na. Ndakaʼán xa̱ʼa̱ ña̱ na̱túʼunndó ta ndakanixi̱ní xa̱ʼa̱ pregunta yóʼo:

1. “¿Nda̱chun xíniñúʼu kunda̱a̱-inina xa̱ʼa̱ ña̱ nda̱a̱?”.

2. ‘“Tá ná sakúaʼana xa̱ʼa̱ Ndióxi̱, ¿ndáa ki̱ʼva chindeétáʼanña xíʼinna vitin ta saátu chí nu̱únínu?”.

5. Ka̱ʼa̱n xa̱ʼa̱ ña̱ kivi chindeétáʼan xíʼinna. Ndi̱ku̱n ka̱ʼún xíʼinna ña̱ Biblia kivi ndakuiin pregunta ña̱ kúúmiína, ta saátu ku̱a̱ʼání ña̱ va̱ʼa ndakiʼinna tá ná kaʼvina ña̱yóʼo.