Xíniñúʼu sákuaʼa va̱ʼayó tasaá va̱ʼa sanáʼa̱yó

Ki̱ʼva u̱vi̱ yichi̱ ni̱nda̱ka̱tu̱ʼunna ta̱ Jesús xa̱ʼa ndáaña keʼéna ña̱ va̱ʼa kutakuna ndiʼi tiempo, ta xa̱síín síín ña̱ ni̱ka̱ʼa̱nra xíʼin iin iinna (Luc. 10:25-28; 18:18-20). Saátu miíyó ni xíni̱nívayó kuniñúʼuyó Biblia, xíniñúʼu ndakanixi̱níyó xa̱ʼa na̱ káʼviyó xíʼin. ¿Ndáa ña̱ʼa kúú ña̱ kǒo kúnda̱a̱ va̱ʼa inina xíʼin á ndáaña íxayo̱ʼvi̱ xíʼinna? ¿Ndáa texto ña̱ va̱xi nu̱ú párrafo kivi kaʼviyó xíʼinna? ¿Nda̱saa párrafo kivi kaʼviyó xíʼinna? Sana xíniñúʼu ndakanixi̱níyó xa̱ʼa iin ilustración ña̱ kuniñúʼuyó xíʼinna, ndáaña ka̱ʼa̱nyó xíʼinna á ndáa pregunta kivi keʼéyó xíʼinna ña̱ va̱ʼa kunda̱a̱-inina xíʼin ña̱ káʼvina. Xíni̱yó Jehová kúú ta̱ sákuaʼnu ña̱ nda̱a̱ níma̱na. Ña̱kán kúúña ná ka̱ʼa̱nníyó xíʼinra xa̱ʼana, saátu ná ka̱ʼa̱nyó xíʼinra ña̱ chindeéra miíyó tá siʼna káʼvi kúeeyó ña̱ ku̱ʼu̱nyó sánáʼa̱yóna (1 Cor. 3:6; Sant. 1:5).