NÁ SANÁʼA̱ VIÍYÓ
Sakuaʼaka ña̱ va̱ʼa sanáʼa̱kaún: ndáa ki̱ʼva taxi miíún revista
¿NDA̱CHUN XÍNIÑÚʼU SÁKUAʼÚN? Ni va̱ʼaní káʼa̱n presentación ña̱ káʼa̱n ndáa ki̱ʼva taxiyó publicación ña̱ va̱xi nu̱ú Tutu nu̱ú va̱xi ña̱ keʼéyó reunión, soo ña̱yóʼo yichi̱ kuitíva táxiña nu̱úyó. Chi va̱ʼa ka̱ʼún tu̱ʼun miívaún tá ku̱a̱ʼún veʼe tá veʼe. Á va̱ʼatu ka̱ʼún xa̱ʼa ña̱ʼa ña̱ kútóoka na̱ yiví na̱ ndóo nu̱ú territorio ña̱ xáʼún. Tásaá kúni̱ún keʼún, siʼnaka kaʼviún revista ta kotoún presentación ña̱ káʼa̱n xíʼinyó ndáa ki̱ʼva taxiyó tutu ta kototún video ña̱ káʼa̱n xa̱ʼa ña̱yóʼo; tasaá keʼún presentación miíún ta kundiku̱n yichi̱ ña̱ táxi ña̱yóʼo nu̱úyó.
¿NDÁA KI̱ʼVA KEʼÉYÓÑA?
¿Á kuniñúʼún iin presentación ña̱ va̱xi nu̱ú tutu yóʼo?
KUNIÑÚʼI̱ÑA
Siʼna ndakanixi̱níún ndáaña ka̱ʼún xíʼinna tá ná chindeúnna ta ndáa xa̱ʼa kúú ña̱ ku̱a̱ʼún veʼena. (Kivi ka̱ʼún: “Va̱xii̱ nu̱ún saáchi...”).
Ndakanixi̱níún xa̱ʼa ña̱ ka̱ʼún xíʼinna ña̱ va̱ʼa ya̱ʼandó kaʼvindó texto ña̱ va̱xi nu̱ú Biblia, xíʼin ña̱ va̱xi nu̱ú tutu ña̱ taxiún ndaʼa̱na. (Tá kúú ña̱ va̱ʼa ya̱ʼún kaʼviún iin versículo nu̱ú Biblia, kivi ka̱ʼún: “Koto ndáaña káchi Biblia”).
VA̱ÁSA
Ndaka̱xin iin tema ña̱ kútóún ña̱ va̱xi nu̱ú revista á ña̱ kútóo na̱ yiví territorio nu̱ú xáʼún.
Ndakanixi̱ní xa̱ʼa iin pregunta ña̱ keʼún xíʼinna ña̱ va̱ʼa ná ka̱ʼa̱nna ndáaña ndákanixi̱nína, soo kǒo ka̱ʼún iin ña̱ʼa ña̱ kivi sandákava-inina. (Kivi keʼún ña̱yóʼo: kuniñúʼu pregunta ña̱ va̱xi página 2 nu̱ú ña̱ revista).
Ndaka̱xin iin versículo ta kaʼviña. (Tá kúú ña̱ ¡Despertad!, miíún xíni̱ tá kaʼviún iin texto á kǒo kaʼviúnña chi ña̱yóʼo ku̱a̱ʼa̱nña ndaʼa̱ na̱ yiví na̱ kǒo xíni̱ ku̱a̱ʼá xa̱ʼa Biblia á na̱ kǒo kándíxa religión).
Ndakanixi̱ní xa̱ʼa iin á u̱vi̱ tu̱ʼun ña̱ ka̱ʼún xíʼinna ndáa ki̱ʼva chindeé táʼan artículo ña̱ revista xíʼinna.
NDA̱A̱ NDÁAKAÑA NÁ KEʼÚN
Ndakanixi̱ní xa̱ʼa iin pregunta ña̱ ndakoún nu̱úna ña̱ va̱ʼa ndakuiún inka yichi̱ tá ná ndikóún.
Va̱ʼa kaʼyíún ña̱ chindeé táʼan xíʼún inka yichi̱ tá ná ndikóún nu̱úna.