Náʼa̱yó ña̱ kúʼvi̱-iniyó xíniyó Jehová tá ndíku̱nyó nda̱yí ña̱ táxira

Ña̱ kita iin na̱ ni̱ki̱ʼvi ku̱a̱chi ti̱xin congregación, chindeétáʼanña xíʼin na̱ hermano ña̱ nda̱kú koo inina ta saátu kivi chindeétáʼanña xíʼin na̱ ni̱ki̱ʼvi ku̱a̱chi ña̱ ndikó-inina (1Co 5:6, 11). Ta tá ndíku̱nyó nda̱yí Jehová, saá kúú ña̱ náʼa̱yó ña̱ kúʼvi̱-iniyó xíniyóra. Soo, ¿nda̱chun kúú ña̱ káʼa̱nyó ña̱yóʼo tá xóʼvi̱níyó ki̱vi̱ távána iin na̱ táʼanyó ti̱xin ñuu Ndióxi̱?

Kéʼéyóña chi ndíku̱nyó ña̱ káʼa̱n Jehová xa̱ʼa̱ ndáa ki̱ʼva keʼéyó ta saátu xa̱ʼa̱ ña̱ kúʼvi̱-iniyó xíniyóra ta íxato̱ʼóyóra ta va̱ása kúni̱yó ixayaku̱a̱yó ki̱vi̱ra (1Pe 1:14-16). Ta saátu náʼa̱yó ña̱ kúʼvi̱-iniyó xíniyó na̱ ki̱ta ti̱xin congregación. Ni yo̱ʼvi̱níva ña̱yóʼo soo kivi xa̱a̱na ndikó-ini ta keʼéna ña̱ kútóo Ndióxi̱ (Heb 12:5, 6, 11). Ta tá kítáʼanyó xíʼin na̱ yiví na̱ ki̱ta ti̱xin ñuura á xíʼin na̱ va̱ása xáʼa̱nka reunión, táki̱ʼva íyo na̱ va̱ása íxato̱ʼó ña̱ nda̱kaxin Jehová keʼéra saá íyoyó. Ta ná ndakaʼányó chi Jehová kúú mií ta̱ xíni̱ ndáa ki̱ʼva taxira consejo ndaʼa̱yó (Jer 30:11). Ña̱kán, ná chindeétáʼanyó xíʼin Jehová ta ná chika̱a̱yó ndee̱ ña̱ keʼéyó chiñura nani ndátuyó ña̱ ná ndikó na̱ ki̱ta ti̱xin congregación nu̱ú Jehová (Is 1:16-18; 55:7).

TÁNDI̱ʼI XI̱TONDÓ VIDEO NDINUʼU NÁ KOO-INIYÓ XÍʼIN JEHOVÁ NDAKUIINNDÓ PREGUNTA YÓʼO:

• 

  ¿Ndáaña ndóʼo na̱ íyo se̱ʼe tá ndákoo iin se̱ʼena Jehová?

• 

  ¿Ndáa ki̱ʼva chindeétáʼan na̱ hermano xíʼin na̱ ki̱ta iin familia ti̱xin congregación?

• 

  ¿Ndáa historia ña̱ va̱xi nu̱ú Biblia kúú ña̱ náʼa̱ ña̱ ndáyáʼviníka kúú ña̱ nda̱kú koo-iniyó xíʼin Jehová nu̱úka na̱ veʼeyó?

• 

  ¿Ndáa ki̱ʼva náʼa̱yó na̱ nda̱kú íyo iniyó xíʼin Jehová nu̱úka na̱ veʼeyó?