Nda̱a̱ níma̱na ná xa̱a̱ ña̱ sánáʼún

Kándíxayó Ndióxi̱ chi nda̱a̱ níma̱yó kánaña (Pr 3:1). Ña̱kán ná chika̱a̱níyó ndee̱ ña̱ viíní sanáʼa̱yó na̱ yiví ña̱ va̱ʼa xa̱a̱ña nda̱a̱ níma̱na. ¿Ndáa ki̱ʼva keʼéyóña?

Va̱ása xíniñúʼu sanáʼa̱ kuitíún na̱ yiví xa̱ʼa̱ ña̱ nda̱a̱ ña̱ va̱xi nu̱ú Biblia. Saáchi xíniñúʼu chindeétáʼún xíʼinna ña̱ kunda̱a̱-inina ndáa ki̱ʼva chíndeétáʼan ña̱yóʼo xíʼinna, ta ndáa ki̱ʼva viíka kutáʼanna xíʼin Jehová. Chindeétáʼan xíʼinna ña̱ ná kunda̱a̱-inina ña̱ táxi Jehová consejo ndaʼa̱yó xa̱ʼa̱ ña̱ kúʼvi̱-inira xínira miíyó, xa̱ʼa̱ ña̱ va̱ʼa-inira xíʼinyó ta saátu xa̱ʼa̱ ña̱ nda̱kú-inira xíʼinyó. Viíní nda̱ka̱tu̱ʼúnna ña̱ va̱ʼa ná ndakanixi̱nína xa̱ʼa̱ ña̱ sákuaʼana. Chindeétáʼan xíʼinna ná ndakanixi̱nína xa̱ʼa̱ ña̱ va̱ʼa ndakiʼinna tá ná sandákoona keʼéna ña̱ kǒo kútóo Jehová. Tá ná kuniún ña̱ kúʼvi̱-inina xínina Jehová saá kúú ña̱ kusi̱íní-iniún.

TÁNDI̱ʼI XI̱TONDÓ VIDEO ÑA̱ NANÍ KÚSI̱ÍNÍ-INIYÓ TÁ NÁTÚʼUNYÓ XÍʼIN NA̱ YIVÍ. VIÍKA NÁ SANÁʼA̱YÓ: NDA̱A̱ NÍMA̱NA NÁ XA̱A̱ ÑA̱ SÁNÁʼA̱YÓ, NDAKUIINNDÓ PREGUNTA YÓʼO:

• 

  ¿Nda̱chun ni̱nda̱ka̱tu̱ʼun ñá Rita ñá Coral á nda̱kanixi̱níñá xa̱ʼa̱ ña̱ na̱túʼunná tá marte?

• 

  ¿Ndáa ki̱ʼva chi̱ndeétáʼan ñá Rita xíʼin ñá Coral ña̱ kunda̱a̱-iniñá ña̱ kúʼvi̱-ini Jehová xínirañá?

• 

  ¿Ndáa ki̱ʼva chi̱ndeétáʼan ñá Rita xíʼin ñá Coral ña̱ va̱ʼa na̱ʼa̱ñá ña̱ kúʼvi̱-iniñá xíniñá Jehová?