Taxi ná chindeétáʼan Jehová xíʼún ti̱xin ña̱ oración

Jehová kúú ta̱ sákuaʼnu ña̱ nda̱a̱ níma̱ na̱ yiví (1Co 3:6-9). Xa̱ʼa̱ ña̱kán tá kúni̱yó vií kana chiñu ña̱ kéʼéyó tá ku̱a̱ʼa̱nyó natúʼunyó xíʼin na̱ yiví xa̱ʼa̱ Ndióxi̱, xíniñúʼu kandíxayó ña̱ chindeétáʼan Jehová xíʼinyó ta saátu chindeétáʼanra xíʼin na̱ yiví na̱ káʼviyó xíʼin.

Káxi ka̱ʼún xíʼin Jehová. Ka̱ʼa̱n xíʼinra ná chindeétáʼanra xíʼin na̱ káʼviún xíʼin ña̱ kundeé-inina nu̱ú tu̱ndóʼo á ña̱ ya̱ʼana nu̱úña (Flp 1:9, 10). Ndukú espíritu santo nu̱ú Jehová ña̱ va̱ʼa chindeétáʼanña xíʼún ña̱ vií ndakanixi̱níún ta vií koo ña̱ keʼún (Lu 11:13). Sanáʼa̱ na̱ káʼviún xíʼin ndáa ki̱ʼva ka̱ʼa̱nna xíʼin Ndióxi̱ ta chika̱a̱ ndee̱ xíʼinna ña̱ ná keʼénaña. Ka̱ʼa̱n xa̱ʼa̱na xíʼin Jehová ta kuniñúʼu ki̱vi̱na tá káʼún xa̱ʼa̱na xíʼinra.

TÁNDI̱ʼI XI̱TONDÓ VIDEO ÑA̱ NANÍ KÚSI̱ÍNÍ-INIYÓ TÁ NÁTÚʼUNYÓ XÍʼIN NA̱ YIVÍ. NÁ TAXIYÓ CHINDEÉTÁʼAN JEHOVÁ XÍʼINYÓ: ÑA̱ ORACIÓN, NDAKUIINNDÓ PREGUNTA YÓʼO:

• ¿Ndáaña i̱xayo̱ʼvi̱ xíʼin ñá Rita tá káʼviñá xíʼin ñá Coral?

• ¿Ndáa ki̱ʼva chi̱ndeétáʼan 1 Corintios 3:6 xíʼin ñá Rita?

• ¿Ndáana chi̱ndeétáʼan xíʼin ñá Rita?