ÑA̱ KÉʼÉYÓ NA̱ TESTIGO
Kivi koo si̱íún vitin ta saátu chí nu̱únínu: ña̱ kuniñúʼuyó sanáʼa̱yó na̱ yiví
Kúsi̱íní-iniyó ña̱ kúúmiíyó iin libro xa̱á xíʼin iin folleto xa̱á ña̱ kivi kuniñúʼuyó sanáʼa̱yó na̱ yiví. Ná ka̱ʼa̱nyó xíʼin Jehová ña̱ chindeétáʼanra xíʼinyó ña̱ sanáʼa̱yó ku̱a̱ʼáka na̱ yiví ña̱ xa̱a̱na koona discípulo ta̱ Jesús (Mt 28:18-20; 1Co 3:6-9). ¿Ndáa ki̱ʼva kuniñúʼuyó libro yóʼo ta saátu folleto yóʼo?
Xíniñúʼu nasamayó ki̱ʼva ña̱ sánáʼa̱yó na̱ yiví, saáchi vitin xíniñúʼu natúʼun táʼankayó xíʼinna. Ña̱kán, xíniñúʼu keʼéyó ña̱yóʼo tá káʼvi kúeeyó ña̱ ku̱ʼu̱nyó sanáʼa̱yó na̱ yiví, ta saátu tá xa̱a̱ káʼviyó xíʼinna:a
Kaʼvi táʼví ña̱ kaʼviún xíʼin na̱ yiví ta koto pregunta ña̱ va̱xi nu̱úña.
Kaʼvi texto ña̱ va̱xi nu̱úña ta chindeétáʼan xíʼin na̱ káʼviún xíʼin ña̱ kunda̱a̱-inina ndáaña sánáʼa̱ña.
Na̱ʼa̱ video nu̱úna ta keʼé pregunta ña̱ va̱xi nu̱ú tutu yóʼo xíʼinna.
Chika̱a̱ ndee̱ ña̱ sandíʼún kaʼviún iníísaá táʼví yóʼo xíʼinna.
Tá xíkaún nátúʼun xa̱ʼa̱ Ndióxi̱, siʼna folleto taxiún ndaʼa̱na ña̱ va̱ʼa kotoún á kúni̱na sákuaʼana xa̱ʼa̱ Ndióxi̱ (koto recuadro ña̱ va̱xi página 16 “¿Ndáa ki̱ʼva taxiún folleto ña̱ naní Kivi koo si̱íún vitin ta saátu chí nu̱únínu, tá nátúʼun xíʼin na̱ yiví ña̱ yichi̱ nu̱ú?”). Tá xa̱a̱ sa̱ndíʼina ka̱ʼvina folleto yóʼo ta kúni̱kana sákuaʼana xa̱ʼa̱ Ndióxi̱, taxi libro ña̱ naní Kivi koo si̱íún vitin ta saátu chí nu̱únínu ndaʼa̱na, ta kivi kixáʼandó kaʼvindó táʼví ku̱mí. Tá káʼviún xíʼin iin na̱ yiví xíʼin libro Ña̱ sánáʼa̱ Biblia á xíʼin libro Ná kuʼvi̱ka-iniyó, va̱ása kaʼvikaún ña̱yóʼo xíʼinna ta kixáʼún kaʼviún libro xa̱á xíʼinna. Ta miíún kivi ndaka̱xin ndáa táʼví kúú ña̱ kixáʼún kaʼviún xíʼinna.
TÁNDI̱ʼI XI̱TONDÓ VIDEO ÑA̱ NANÍ KÚSI̱ÍNÍ-ININDI̱ ÑA̱ KIXÁʼÚN KAʼVIÚN BIBLIA, NDAKUIINNDÓ PREGUNTA YÓʼO:
¿Ndáaña sákuaʼa na̱ yiví xíʼin libro xa̱á yóʼo?
¿Nda̱chun xíniñúʼu na̱ʼún video yóʼo nu̱ú na̱ sa̱kán ki̱xáʼún káʼviún xíʼin?
¿Ndáaña kivi ka̱ʼún xíʼin na̱ káʼviún xíʼin ña̱ chika̱a̱-inina keʼéna? (Koto recuadro ña̱ va̱xi página 16 “Ña̱ ndáyáʼvi va̱ʼaka káʼa̱nña xa̱ʼa̱ xíʼin ña̱ kivi keʼé na̱ káʼviyó xíʼin”).
a NOTA: Miíún kúú na̱ xíniñúʼu ndaka̱xin á ka̱ʼa̱nndó xa̱ʼa̱ táʼví ña̱ naní “Nandukúka xa̱ʼa̱ña”, soo ni saá xíniñúʼu kaʼviún ndiʼi ña̱ va̱xi nu̱ú ña̱yóʼo. Chi saá kunda̱a̱-iniún ndáaña kutóokana kunda̱a̱-inina xa̱ʼa̱, ta ndáaña va̱ʼaníka chindeétáʼan xíʼinna. Tá nu̱ú tableta á celular ná kaʼviún tutu yóʼo, mií nu̱ú ña̱yóʼo kivi katavi̱ndaʼún ta kotoún video ña̱ va̱xi nu̱úña, saátu kivi kotokaún inkaka tutu ña̱ káʼa̱n xa̱ʼa̱ ña̱ káʼvindó.
ÑA̱ NDÁYÁʼVI VA̱ʼAKA KÁʼA̱NÑA XA̱ʼA̱ XÍʼIN ÑA̱ KIVI KEʼÉ NA̱ KÁʼVIYÓ XÍʼIN |
|||
|---|---|---|---|
TÁʼVÍ |
ÑA̱ NDÁYÁʼVI VA̱ʼAKA KÁʼA̱NÑA XA̱ʼA̱ |
ÑA̱ KIVI KEʼÉ NA̱ KÁʼVIYÓ XÍʼIN |
|
1-12 |
Koto ndáa ki̱ʼva chindeétáʼan tu̱ʼun Ndióxi̱ xíʼún ta saátu ndáa ki̱ʼva xa̱ún kuxini̱kaún Ndióxi̱. |
Ka̱ʼa̱n xíʼin na̱ káʼviún xíʼin ña̱ ná kaʼvina Biblia, ña̱ ya̱chi̱ka kaʼvina tá kúma̱níka ku̱ʼún sanáʼúnna ta saátu ka̱ʼa̱n xíʼinna ná ku̱ʼu̱nna reunión. |
|
13-33 |
Koto ndáaña xa̱a̱ kéʼé Ndióxi̱ xa̱ʼa̱yó ta ndáa ki̱ʼva kúni̱ra ndasakáʼnuyóra. |
Ka̱ʼa̱n xíʼinna ná natúʼunna xa̱ʼa̱ Ndióxi̱ xíʼin inkana ta chika̱a̱ ndee̱ xíʼinna ña̱ ná xa̱a̱na koona publicador. |
|
34-47 |
Sákuaʼa ndáaña kúni̱ Ndióxi̱ keʼún. |
Chika̱a̱ ndee̱ xíʼinna ña̱ ná ndataxina miína ndaʼa̱ Jehová ta ná ndakuchina. |
|
48-60 |
Sákuaʼa ndáa ki̱ʼva kivi ndakundeún kuʼvi̱-iniún kuniún Ndióxi̱. |
Sanáʼa̱ na̱ káʼviún xíʼin ña̱ ná kunda̱a̱-inina ndáaña kúú ña̱ va̱ʼa ta ndáaña kúú ña̱ va̱ása va̱ʼa, ta chika̱a̱ ndee̱ xíʼinna ña̱ ná kuaʼnukana xíʼin tu̱ʼun Ndióxi̱. |
|