Kuniñúʼu jw.org ña̱ va̱ʼa ndani̱ʼún consejo ña̱ chindeétáʼan xíʼún

Nu̱ú tu̱ʼun Ndióxi̱ kivi ndani̱ʼíyó consejo ña̱ chindeétáʼan xíʼinyó ki̱vi̱ nu̱ú ndíʼi ña̱ ndóoyó vitin (2Ti 3:1, 16, 17). Sava yichi̱ iin tá iinyó xíniñúʼuyó consejo ña̱ chindeétáʼan xíʼinyó. Tá kúú, ¿á xíniñúʼún consejo ña̱ va̱ʼa chindeétáʼan xíʼún sakúaʼnún se̱ʼún? ¿Á ni̱xi̱ʼi̱ iin na̱ veʼún ta xíniñúʼún iin sandíko-iniún? Tá iin na̱ kúa̱an kúún, ¿á xíniñúʼún consejo ña̱ chindeétáʼan xíʼún ña̱ nda̱kú koo iniún xíʼin Ndióxi̱?. Nu̱ú jw.org kivi ndani̱ʼún artículo ña̱ kivi chindeétáʼan xíʼún ya̱ʼún nu̱ú táʼan ña̱yóʼo, saátu kivi ndani̱ʼún ña̱ chindeétáʼan xíʼún tá yáʼún nu̱ú inkaka tu̱ndóʼo (Pr 2:3-6).

Ki̱ʼviún nu̱ú jw.org, nu̱ú káʼa̱nña “Ña̱ sánáʼa̱ Biblia” ta ndaka̱xin iin ña̱ kúni̱ún kunda̱a̱-iniún xa̱ʼa̱ (na̱ʼá 1). Á kivitu ki̱ʼviún nu̱ú káʼa̱nña “Nu̱ú ñúʼu ndiʼiña”, tándi̱ʼi ki̱ʼviún nu̱ú káʼa̱nña “Nu̱ú va̱xi ku̱a̱ʼá artículo” ta ndaka̱xin iin ña̱ kúni̱ún kunda̱a̱-iniún xa̱ʼa̱ (na̱ʼná 2). Kivitu ndani̱ʼún ña̱yóʼo nu̱ú JW Library^®.a Ta kivi kaʼviún artículo ña̱ va̱xi nu̱ú ña̱yóʼo. Ta inka ña̱ kivi keʼún kúú ña̱ nandukún mií ña̱ kúni̱ún kunda̱a̱-iniún xa̱ʼa̱, ta kivi kaʼyíún ña̱yóʼo nu̱ú ña̱ lupa loʼo á nu̱ú káʼa̱nña “nandukúña” ña̱ va̱xi nu̱ú jw.org.

Kivi kaʼyíún ña̱ va̱xi yóʼo nu̱ú káʼa̱nña “nandukúña” ta kaʼyí ki̱vi̱ artículo ña̱ kúni̱ún kunda̱a̱-iniún xa̱ʼa̱.

• Sanáʼa̱ndó se̱ʼendó

• Na̱ va̱lí kúa̱an

• Tá xíʼi̱ iin na̱ kúni̱níyó xíniyó