Ña̱yóʼo kivi chindeétáʼan xíʼinyó ña̱ kuniñúʼuyó jw.org

Ndáa ki̱ʼva ndani̱ʼíyó artículo ña̱ xi̱ñuʼu nu̱ú kíxáʼa ña̱ página

Ku̱a̱ʼání na̱ hermano xíniñúʼuna artículo ña̱ ñúʼu nu̱ú kíxáʼa ña̱ página jw.org ña̱ va̱ʼa natúʼunna xíʼin na̱ yiví. Ta va̱ása íxayo̱ʼvi̱ña xíʼinna ña̱ chindaʼánaña ndaʼa̱ inkana, ta xíniñúʼuna ña̱yóʼo ña̱ va̱ʼa káʼa̱nna xíʼinna xa̱ʼa̱ profecía ña̱ xínu tiempo vitin. Ña̱yóʼo ka̱ʼyí iin ta̱ hermano: “Va̱ʼaní ña̱ kuniñúʼuyó artículo yóʼo ña̱ natúʼunyó xíʼin na̱ yiví tiempo vitin”.

Xa̱ʼa̱ ña̱ nása̱ma ña̱ ñúʼu nu̱ú kíxáʼa ña̱ página yóʼo, ¿ndáaña kivi keʼéyó ña̱ ndani̱ʼíyó artículo ña̱ xi̱ñuʼu yóʼo?

• Tá xa̱a̱ ni̱ki̱ʼviún nu̱ú kíxáʼa ña̱ página jw.org, ki̱ʼvi nu̱ú káʼa̱nña “Koto ku̱a̱ʼákaña”. Tá ná ki̱ʼviún yóʼo kuniún “Artículo ña̱ sa̱kán ka̱na nu̱ú kíxáʼa ña̱ página yóʼo”.

• Ki̱ʼvi nu̱ú jw.org nu̱ú káʼa̱nña “Nu̱ú ñúʼu ndiʼiña” ta nandukú nu̱ú káʼa̱nña “Nu̱ú va̱xi ku̱a̱ʼá artículo”, ta tándi̱’i ki̱ʼvi nu̱ú káʼa̱nña “Inkaka tema”. Ti̱xin sección yóʼo ndani̱ʼún ku̱a̱ʼání artículo ña̱ ka̱na nu̱ú kíxáʼa ña̱ página yóʼo. Kivitu ndani̱ʼún artículo yóʼo nu̱ú JW Library^®.